Хаартыска Госаватоинспекция пресс-сулууспатыттан
Атырдьах ыйын 11 күнүгэр сарсыарда 8 чаас диэки Намныыр суол 11-с килэмиэтиригэр «Toyota Gaia» массыына 30 саастаах суоппара түргэнник айаннаан иһэн «Suzuki Escudo» массыынаны саайбыт. Быһылаан түмүгэр 60 саастаах «Suzuki Escudo» массыына суоппара уонна 23 саастаах «Toyota Gaia» массыына пассажира эт-хаан эчэйиитин ылбыттар. Саахалы оҥорбут буруйдаах киһи итирик туруктаах эбит. Мэдиссиинэ көрүүтүн түмүгэр – 0,773 мг/л арыгыны испитэ быһаарыллыбыт. Буруйдаахха РФ КоАП 12.8 ыст. 1 чааһынан административнай матырыйаал оҥоһуллубут.
Петр Алексеев уулуссатыгар киэһэ 22 чаас диэки 24 саастаах матасыыкыллаах киһи Лермонтов уулуссатын диэкиттэн иһэн, кэннинээҕи көлүөһэтигэр тирэнэн, инники көлүөһэтин үөһэ көтөхтөрөн иһэн, кыайан салайбакка, «Honda Freed» массыынаҕа кэтиллибит. Бу быһылаан түмүгэр матасыыкыллаах киһи эчэйиини ылбыт. Бэрэбиэркэлээбиттэринэн, бу матасыыкыллаах киһи урут РФ КоАП 12.7 ыст. (Тырааныспары бырааба суох ыытыы) үс төгүл тардыллыбыта быһаарыллыбыт.
Судаарыстыбаннай автоинспекция үлэһиттэрэ матасыыкыллаах киһиэхэ РФ КоАП 12.2 ыстатыйатын 2 чааһынан, 12.3 ыст. 1 чааһынан, 12.7 ыст. 1 чааһынан, 12.15 ыст. 1 чааһынан, 12.37 ыст. 2 чааһынан административнай матырыйааллары оҥордулар.
Хомойуох иһин, матасыыкыллаах элбэх киһи суолга куттал суох буолуутун боростуой быраабылаларын тутуспаттар: түргэнник айанныыллар, утары суолга тахсаллар, тырааныспар икки ардын тутуспаттар, бырааба суох суолга тахсаллар уо.д.а. Маннык быһыы, үксүн, суол-тырааныспар саахалыгар тиэрдэр.
Сайын саҕаланыаҕыттан Дьокуускай куорат суолларыгар матасыыкыл кыттыылаах 29 суол быһылаана тахсыбыта бэлиэтэммит, онно 19 киһи эмсэҕэлээбит уонна 4 киһи өлбүт.
Судаарыстыбаннай автоинспекция суол быраабылаларын тутуһарга ыҥырар. Араас албастааһын суол-тырааныспар саахалыгар тиэрдиэн сөп.
Халаантан улаханнык эмсэҕэлээбит Өймөкөөн улууһугар өрөспүүбүлүкэ араас улуустарыттан көмө салҕанар. Иэдээҥҥэ түбэспиттэргэ Саха сирин олохтоохторо…
Бүгүн, атырдьах ыйын 12 күнүгэр, өрөспүүбүлүкэҕэ саҥа тутулла турар балыыһа эбийиэктэрин хонтуруоллуур былаан чэрчитинэн Мэҥэ…
1799 сыллаахха император Павел I Ыйааҕынан Арассыыйа-Америка хампаанньата (РАК) тэриллибитэ, кини «Хотугулуу-Илин Америка кытылыгар 55°…
Дьокуускайдааҕы полиция 2-с отделын дьуһуурунай чааһыгар Дьокуускай олохтооҕо "Тойота Королла" мааркалаах массыынатын алдьаппыттарын туһунан иһитиннэрбит.…
Хаҥалас улууһугар атырдьах ыйын 4 күнүгэр сүппүт эр киһини көрдүүллэр. Кинини СӨ Быыһыыр сулууспатын үс…
Ыччат аан дойдутааҕы күнэ сыл ахсын атырдьах ыйын 12 күнүгэр бэлиэтэнэр. Бу күн ыччат аан…