Ааспыт сууккаҕа икки киһи ууга былдьаммыт

Ааспыт сууккаҕа Саха сиригэр түөрт буруйу оҥоруу буолбутун туһунан СӨ Борокуратуурата иһитиннэрэр.

Дьокуускайга 1993 с.т. эр киһи доруобуйатын эчэппиттэр, уорбаланааччы дьахтары быһаарбыттар.

Өлүөхүмэ 1954 с.т. олохтооҕуттан түөкүттэр 4 720 000 солк. суйдаабыттар. Эргэ Табаҕа сэлиэнньэтигэр уоруу туһунан иһитиннэрбиттэр.

Алдан оройуонугар Аллараа Кураанах бөһүөлэгэр тутулла турар эбийиэк бэһис этээһиттэн сууллубут эр киһини балыыһаҕа киллэрбиттэр.

Хаҥалас улууһугар Покровскай таһыгар Өлүөнэ өрүс боротуокатыгар 2007 с.т. эр киһи тимирбит, өлүгүн була иликтэр.

Мэҥэ Хаҥалас улууһугар Хаптаҕай нэһилиэгин таһыгар Өлүөнэ боротуокатыгар 1963 с.т. эр киһи тимирбит, өлүгүн була иликтэр.

Киһи өлүүлээх суол быһылаана бэлиэтэммэтэх.

Суукка иһигэр итирик туруктаах 17 суоппары туппуттар.