Ааспыт сууккаҕа икки ойуур баһаарын умуруордулар

Ааспыт сууккаҕа Дьааҥы улууһугар  3 тыһыынча гаа иэннээх 2 ойуур баһаарын умуруордулар. 

Ону тэҥэ, Өлүөхүмэ уонна Орто Халыма улуустарыгар 1517 гаа иэннээх сиргэ саҥа 3 баһаар күөдьүйбүтүн буллулар.

Атырдьах ыйын 28 күнүнээҕи туругунан, 32 068 гаа иэннээх сиргэ умайар 11 ойуур баһаара баар: 5 — Өлүөхүмэҕэ, 2 — Ньурбаҕа, 2 — Орто Халымаҕа, 1 — Алдаҥҥа, 1 — Үөһээ Халымаҕа. Бу баһаардартан түөрдүн төгүрүйэн, уот сөҕүрүйдэ.

Баһаардары умуруорууга 306 киһи үлэлии сылдьар. Баһаары умуруорар тиэхиникэ, ону тэҥэ, авиация үлэлиир.

Суһал ыстаап иһитиннэрэринэн, быйыл сааскыттан 1 491 212 гаа иэннээх сиргэ 775 ойуур баһаара умайбыт. 2021 сыл күһүнүгэр 7,5 мөлүйүөн гаа иэннээх сиргэ 1537 баһаар умайбыта бэлиэтэммитэ.

Ил Дархан, бырабыыталыстыба пресс-сулууспата.