Ааспыт сууккаҕа итирик туруктаах тоҕус суоппары туттулар

Ааспыт сууккаҕа өрөспүүбүлүкэ иһигэр 2 буруйу оҥоруу түбэлтэтэ бэлиэтэннэ диэн СӨ Борокуратуурата иһитиннэрэр. Бу быһылааннары Борокуратуура хонтуруолга ылла, бэрэбиэркэлэр ыытыллаллар уонна холуобунай дьыалалар силиэстийэлэнэллэр.

Нерюнгри оройуонун Чульман бөһүөлэгэр биир киһи массыына чаастарын атыылаһабын диэн албыннатан 129 тыһ. солкуобайын сүтэрбит.

Ньурба улууһун Ньурбачан сэлиэнньэтигэр чааһынай дьиэҕэ тахсыбыт баһаарга 5 киһи өлбүтүнэн дьыаланы борокуратуура хонтуруоллуур.

Киһи өлүүлээх суол-иис быһылааннара бэлиэтэммэтэхтэр.

Ааспыт сууккаҕа итирик туруктаах сылдьан массыына ыыппыт 9 суоппар тутуллубут.