Ааспыт сууккаҕа: күһэйэн туран уоруу, баһаар уонна итирик суоппардар

Саха сиригэр ааспыт суукка иһигэр түөрт буруйу оҥоруу тахсыбытын туһунан СӨ дьуһуурунай борокуруора иһитиннэрэр.

Ол курдук, Дьокуускайга Октябрьскай уулуссаҕа күһэйэн туран уоруу буолбутун туһунан сайабылыанньа киирбит. Итиэннэ Бестужев-Марлинскай уулуссатыгар эмиэ уоруу буолбут.

Мэҥэ Хаҥаласка суоппар докумуонун сымыйанан оҥорон тутта сылдьыбыттара биллибит.

Суукка иһигэр 12 итирик суоппары туттулар.

Дьокуускайга Леваневскай уул. 1/1 дьиэтигэр баһаар буолла. Төрүөттэрин быһаараллар.

Суукка иһигэр сэттэ техногеннай баһаар буолла, өлбүттэр уонна эчэйбиттэр суохтар.