Ааспыт сууккаҕа ойуур баһаара эбии турбатах

Ааспыт сууккаҕа Саха сирин үрдүнэн ойуур баһаара эбии турбатах. Онон этэҥҥэ буолан эрэр. 

Билиҥҥи туругунан 10 уот умуруоруллар, биир умуруоруллубут. Бу туһунан СӨ экологияҕа миниистирин солбуйааччы Андрей Коноплев иһитиннэрэр.

«Бүгүн сарсыардааҥҥы туругунан 13 ойуур баһаара барыта 28,6  тыһ. гектаар кээмэйдээх сиргэ-уокка умайар. Сөптөөх миэрэ ылыллан, 10 уот умуруоруллар, мантан алтата салгыы барара тохтотулунна. Ойуур баһаарын умуруоруу үлэтигэр 492 киһи уонна биир тиэхиньикэ үлэлиир. Биир уот умуруорулунна», — диэн Андрей Коноплев иһитиннэрэр.