Ааспыт сууккаҕа ойуурга уот турбата

Ааспыт сууккаҕа Саха сиригэр саҥа тахсыбыт ойуур баһаарын түбэлтэтэ бэлиэтэммэтэ. Бу туһунан суһал ыстаап иһитиннэрдэ.

Уопсайа 2459 га иэннээх алта ойуур баһаара Үөһээ Халыма, Муома, Томпо уонна Усуйаана улуустарыгар тиийэргэ уустук уонна ыраах сиргэ баар.  Нэһилиэнньэлээх пууннарга куттал суох. Бэс ыйын 5 күнүттэн өрөспүүбүлүкэ үрдүнэн баһаартан сэрэхтээх буолуу анал эрэсиимэ олохтоммута. Ону тэҥэ, Дьааҥы, Уус Алдан, Өлүөхүмэ, Эбээн Бытантай улуустарыгар, Жатайга уонна Дьокуускай куоракка территориальнай баһаартан ураты сэрэхтээх буолуу эрэсиимэ үлэлиир.

Сезон саҕаланыаҕыттан ойуур баһаардарыгар 52 буруйдаах быһаарылынна. Ойуурга баһаартан куттал суох буолуутун быраабылаларын кэһии иһин 110 административнай боротокуол оҥоһулунна. Баһаар сезона саҕаланыаҕыттан эрэгийиэҥҥэ уопсайа 57 818,45 га иэннээх 323 ойуур баһаарын умуруордулар, ол иһигэр 51 341,45 га иэннээх ойуур пуондатыгар 138 баһаар бэлиэтэммит. Бу туһунан СӨ Ил Дарханын уонна Бырабыыталыстыбатын пресс-сулууспата иһитиннэрэр.

Сиһилии https://www.sakha.gov.ru/news/6574 көрүҥ.