Ааспыт сууккаҕа олохтоохтор түөкүттэргэ 1,3 мөл.солк. албыннаттылар

Ааспыт сууккаҕа Саха сиринээҕи ИДьМ сулууспатын дьуһуурунай чааһыгар түөкүттэргэ киирэн биэрбит олохтоохтортон үс сайабылыанньа киирбит.

Бу туһунан Саха сиринээҕи ИДЬМ пресс-сулууспата суруйар. Хоромньуну суумата 1,3 мөл. солк. куоһарда.

Үс сайабылыанньа барыта Дьокуускай куоракка регистрацияламмыт. Икки түбэлтэҕэ түөкүттэр сибээс операторын үлэһитэ буолан кубулуммуттар, биир түбэлтэҕэ — ФСБ үлэһитэ.

Ол курдук, устудьуон кыыс сим-каартатын болдьоҕун уһатаары 300 тыһ. солк. тахса суума харчытын сүтэрбит, оттон куорат олохтооҕо — 277 тыһ.солк. Дьиҥэр сим-каарта болдьоҕо уһатыллыбат.

Итини таһынан тэрилтэ суоппара «ФСБ үлэһитигэр» итэҕэйэн, 800 тыһ. солк. матта.