Ааспыт сууккаҕа Саха сиригэр 5 ойуур баһаара умуруорулунна

Саха сиригэр ааспыт сууккаҕа 80 тыһ. тахса гектар иэннээх сиргэ биэс ойуур баһаара умуруорулунна уонна өссө биэс тохтотулунна. Сарсыарда от ыйын 26 күнүнээҕи дааннайынан Саха сиригэр 99 ойуур бааһара уонна биир ландшафтнай ойуур баһараа турбута биллэр диэн Саха сиринээҕи ЫБММ пресс-сулууспата иһитиннэрэр.

Суукка иһигэр уот туруутун утары охсуһууга  126 киһи уонна биэс тиэхиньикэ эбилиннэ. Чэппиэргэ ЫБММ Бе-200 амфибия-сөмөлүөтэ Үөһээ Бүлүү уонна Кэбээйи улуустарыгар ойуур баһаарын умуруорууга туһаныллыбыт, 194 туонна уу быраҕыллыбыт. Ми-8 бөртөлүөтүөнэн Үөһээ Бүлүү улууһугар уопсайа 126 туонна уу кутулунна.

«Бүгүн биэдэмистибэ авиацията Үөһээ Бүлүү, Кэбээйи уонна Алдан оройуоннарынан  үлэтин салгыаҕа. Дабаан, Быракаан, Белая Гора, Сайдыы уонна Токума сэлиэнньэлэригэр баһаары умуруорууга Арассыыйа ЫБМ аэромобильнай бөлөҕө үлэлиэҕэ», — диэн иһитиннэрдэ Арассыыйа ЫБМ Саха сиринээҕи управлениетын начаалынньыга Павел Гарин, .

Ойуур баһаарын бохсууга 1975 киһи уонна 187 тиэхиньикэ кытынна. Ураты хонтуруолга 13 ойуур баһаарар ылылынна, ордук Өлүөхүмэ, Үөһээ Бүлүү уонна Үөһээ Дьааҥы улуустарынан.