Ааспыт сууккаҕа Саха сиригэр икки баһаар тахсыбыт

Ааспыт сууккаҕа Саха сиригэр 2 баһаар турбута регистрацияламмыт. Өлбүт, эмсэҕэлээбит дьон суох. Баһаары умуруорууга 14 баһаарынай, 3 тиэхиньикэ тардыллыбыт.

Ол курдук, Абый улууһун Белай Гора бөһүөлэгэр ыам ыйын 3 күнүгэр Строителей уулуссаҕа киэһэ 22.00 чааска элбэх кыбартыыралаах көһөрүллүбүт дьиэ умайбыт. Баһаар түмүгэр биир кыбартыыра 12 кв.м. иэнэ уокка былдьаммыт. Буруйдуу, хоромньу суумата быһаарыллар. Баһаары умуруорууга 4 баһаарынай, 1 тиэхиньикэ тардыллыбыт.

Ыам ыйын 2 күнүгэр киэһэ 18.34 чааска киин куоракка Бабушкина уулуссаҕа чааһынай дьиэ умайбыт. Баһаарга дьиэ муостатын 6 кв.м. иэнэ умайбыт. Баһаар төрүөтэ, буруйдаах, хоромньу быһаарыллар. Бу туһунан ЫБММ пресс-сулууспата суруйар.