Ааспыт сууккаҕа саҥа ойуур баһаара турбата

Ааспыт сууккаҕа өрөспүүбүлүкэ сиригэр-уотугар саҥа ойуур баһаара турбата, диэн атырдьах ыйын 28 күнүгэр Экология, айылҕаны туһаныы уонна ойуур хаһаайыстыбатын миниистирин солбуйааччы Андрей Коноплев иһитиннэрдэ.  

Ааспыт сууккаҕа Үөһээ Бүлүү, Дьааҥы, Кэбээйи, Сунтаар, Эбээн Бытантай уонна Усуйаана улуустарыгар 6 ойуур баһаарын уонна 1 көрдүгэннээн сии сытар уоту умулларбыттар.

Үөһээ Бүлүүгэ, Бүлүүгэ уонна Өлүөхүмэҕэ 6 ойуур баһаара бохсуллубут. Суукка саҕаланыытыгар 10 улууска 24 ойуур баһаара баар.

Уоту умуруорууга 683 киһи, 43 тиэхиньикэ итиэннэ авиация үлэлиир, диэн иһитиннэрэр СӨ Ил Дарханын уонна Бырабыыталыстыбатын пресс-сулууспата.