Сэттэ ойуур баһаарын умуруорбуттар

Саха сиригэр ааспыт сууккаҕа 7 ойуур баһаарын умуруорбуттар. Уот хаппыт уопсай иэнэ 1 874,2 га. 

Суһал ыстааптан иһитиннэриллибитинэн, бүгүн сарсыарда 30 ойуур баһаара баара бэлиэтэммит. Уот хаппыт уопсай иэнэ 13 798,5 га. Бу Дьааҥы, Бүлүү, Кэбээйи, Эдьигээн, Ленскэй, Мииринэй, Өлүөхүмэ, Өлөөн, Уус Алдан, Хаҥалас, Орто Халыма, Томпо улуустарыгар. Мантан биир баһаар бохсуллубут. Ойуур уотун утары 389 киһи охсуһар, 5 тиэхиньикэ үлэлиир.

Былырыын баччаларга 22 ойуур баһаара бэлиэтэнэн турар.

Саха сиригэр ойуур баһаарын кутталлаах сезона саҕаланыаҕыттан 338 ойуур баһаара умуруоруллубут.

Сиһилии: https://www.sakha.gov.ru/news/10726

CӨ Ил Дарханын уонна Бырабыыталыстыбатын пресс-сулууспата