Ааспыт сылга 224 тиэхиньикэни уонна тэрили тыа хаһаайыстыбаларыгар көмөҕө ылылынна

Ааспыт сылга өрөспүүбүлүкэ 150 хаһаайыстыбата судаарыстыбаннай уонна муниципальнай бүддьүөтүттэн 275,6 мөл. солк. суумалаах өйөбүлүнэн 224 тиэхиньикэни уонна тэрили атыыласта. Бу туһунан тыа хаһаайыстыбатын уонна аһылык бэлиитикэтин миниистирин солбуйааччы Сахаяна Павлова социальнай ситимнэргэ быһа эпииргэ эттэ.

«Хаһаайыстыбалар, чуолаан, 3 эбии аһылык комбайнын, 98 тыраахтыры, 3 мульчеры, 19 олордор, 30 сири оҥорор тиэхиньикэни, 69 сүөһү аһылыгын оҥорор тэрили ыллылар», – диэн Сахаяна Павлова бэлиэтээтэ.

Кини иһитиннэрэринэн, министиэристибэ салаатынан сүөһү аһылыгын оҥорууну сайыннарыы бырагыраамаларынан, ол иһигэр тиэхиньикэни уонна тэрили лизинг усулуобуйатынан атыылаһыы киирэр. Ол испииһэктэргэ от хомуйар комбайннар, бырысыаптаах сири оҥорор тэриллэр, мульчердар киирэллэр. Ону таһынан сенаж оҥорор тэрил, 2-с кылаастан кырата итэҕэһэ суох кыамталаах тыраахтырдар, 50 ат күүһүттэн итэҕэһэ суох кыамталаах экскаватор-погрузчиктар, туорах бурдук сиэмэтин олордор сиэйэлкэлэр, сүөһү аһын оҥорор тэриллэр киирсэллэр.