"Мой спорт" устуудьуйа хаартыската
Ааспыт сылга спортсменнар ылбыт мэтээллэрэ — 700.
Саха сирин спортсменнара былырыын юниордар күрэхтэһиилэригэр 379 мэтээли ылбыттар. РФ успуорт министиэристибэтин 2025 сыллааҕы Биир халандаарнай былааныгар киллэриллибит 34 спортивнай тэрээһин барыта үрдүк таһымҥа ыытыллыбыта бэлиэтэнэр.
Тэрээһиннэр РФ Бэрэсидьиэнэ Владимир Путин көҕүлээбит «Спорт России» федеральнай судаарыстыбаннай бырагыраама соруктарын толорууга туһуланаллар.
Саха сиригэр үгэс курдук көҥүл тустууга улуу тириэньэр Дмитрий Коркин, бастакы Олимпийскай чөмпүйүөн Роман Дмитриев турнирдара уонна Олимпийскай чөмпүйүөн Павел Пинигин чиэһигэр турнир ыытыллыбыттара. Ахсынньыга үрдүк тэрээһиннээхтик «Вызов Севера» диэн профессиональнай бокса турнира буолбута.
Биир сүрүн уонна далааһыннаах тэрээһининэн «Манчаары оонньуулара» успуорт национальнай көрүҥнэригэр XXII Спартакиада үрдүк таһымнаахтык ыытыллыбыта. От ыйын 7-12 күннэригэр ытык Таатта сиригэр-уотугар Ытык Күөлгэ буолбут күөн күрэскэ 35 хамаанда, 1,5 тыһыынчаттан тахса күрэсчит кыттыыны ылбыта.
Дьокуускайга бэс ыйыгар мас тардыһыыга Бүтүн Арассыыйатааҕы күрэхтэһии, XXV Федеральнай Сабантуй иитинэн корэш көрүҥҥэ киирсии, Туймаада ыһыаҕар «Дыгын оонньуулара» өрөспүүбүлүкэҕэ успуорт национальнай көрүҥнэригэр саамай киэҥник биллэр күрэхтэһиилэринэн буолаллар.
Саха сиригэр аан бастаан ыытыллыбыт 100 км сүүрүүгэ Арассыыйа чөмпүйэнээтэ бэлиэ түгэнинэн буолла. Маны тэҥэ, маассабай сүүрүүлэр эмиэ болҕомтону тардаллар.
Бүтүн Арассыыйатааҕы спортивнай үҥкүүгэ 23 эрэгийиэнтэн 220-тэн тахса спортсмен кыттыыны ылбыта, манна Арассыыйа чөмпүйэнээттэрин бастыҥ финалистара кыттыбыттара.
Устудьуоннарга успуорт сайдар. Улахан бэлиэ түгэнинэрн «Спортивная студенческая ночь» Бүтүн Арассыыйатааҕы бэстибээли киэн тутта ааттыыбыт, ону сэргэ баскетболга, кибенруспуорка, остуол тенниһигэр, шахматка, дуобакка уо.д.а. көрүҥнэргэ киирсиилэр сэргэхтик буолбуттара.
Сиһилии: https://www.sakha.gov.ru/news/26451
СӨ Ил Дарханын уонна Бырабыыталыстыбатын пресс-сулууспата
«Мой спорт» устуудьуйа хаартыската
Оҕо биллиилээх суруйааччыта Агния Барто төрөөбүтэ 120 сылын көрсө, Өлүөхүмэ улууһун Кыыллаах нэһилиэгэр кырачааннарга аналлаах…
Сытыйа байбыт баайдар, урбаанньыттар, улахан тойоттор Эпштейн диэн киһини кытта хайдах, туох дьаабыламмыттара биллэн эрэр.…
Олунньу 15 күнүгэр Арчы дьиэтигэр Абый улууһун дьоно-сэргэтэ түмсэн оһуокайдаата. Манна Абый улууһуттан Дьокуускайга олорор…
Дойду федеральнай уокуруктарынан Нерюнгри куоракка кулун тутар 19-23 күннэригэр ыытыллар Арассыыйа чөмпүйэнээтигэр кыттарга сүүмэрдиир күрэхтэһиилэр…
Атамайга "Радуга" уһуйааҥҥа "Чобуо чуорааннар" бырайыак бэһис төгүлүн үрдүк таһымнаахтык ыытылынна. Бу уһуйаан иитиллээччилэригэр төрөөбүт…
Саҥа хотоҥҥо киириигэ хотон ортоку өһүөтүгэр салама ыйыыллар. Үрүҥ сиэлтэн харандаас суонун саҕа гына ситии…