Ааспыт 2022 сылга өрөспүүбүлүкэбитигэр доруобуйа харыстабылыгар ыытыллыбыт сүрүн хайысхалары түмтүбүт:
– Кэнники 5 сылга өрөспүүбүлүкэ улуустарыгар 65 биэлсэр-акушер пууна уонна быраас амбулаторията тутулунна, мэдиссиинэ 124 тэрилтэтэ өрөмүөннэннэ.
– Балыыһалар 228 саҥа массыынаны (ол иһигэр 89 “суһал көмө” массыынатын) ыллылар.
– Өрөспүүбүлүкэ улуустарын кииннэригэр доруобуйа харыстабылын бөдөҥ эбийиэктэрэ тутуллан үлэҕэ киирдилэр.
– Бүлүүгэ балыыһа комплексын бастакы уочарата үлэҕэ киирэн эрэр.
– Тааттаҕа, Чурапчыга, Уус Маайаҕа, Муомаҕа киин балыыһалары тутулла тураллар.
– Нерюнгрига доруобуйа харыстабылын эбийиэктэрин саҥардыы үлэтэ салҕанна.
– Уһук Илиҥҥэ суох, үрдүк мэдиссиинискэй технологиянан үлэлиир Сүрэх-тымыр киинэ Дьокуускай куоракка аһылынна. Онон, билигин сүрэх уонна тымыр ыарыылаахтарга оҥоһуллар көмө Саха сирин олохтоохторугар табыгастаах буолла.
– 2023 сылга үлэҕэ киллэриллиэхтээх аан дойду стандартыгар эппиэттиир, 180 куойкалаах, поликлиникалаах Онкология киинэ 85 бырыһыан бэлэм буолла (10.12.22 чахчынан).
– Арктика улуустарыгар доруобуйа харыстабылын инфраструктуратын тупсарыыга инники хардыылар оҥоһулуннулар. Арктика зонатыгар мэдиссиинискэй көмө саҥа модела оҥоһуллар. Манна телемэдиссиинэ уонна исписэлиис-быраастар көһө сылдьан үлэлииллэрэ дьүөрэлэһэр.
Сэтинньи саҕаланна да, Өктөөп идеяларын өрө тутан кэлбит оҕо, эдэр сааспыт күргүөмнээх күннэрэ хайдах да…
Үөрэх этэринэн, киһи орто сааһа 120 сыл диэн да, дьиҥэ, олохпут итинтэн быдан ырааҕынан кылгас. Быраастар,…
Сыл ахсын сэтинньи саҥатыгар Арассыыйа бары эрэгийиэннэригэр "Ускуустуба түүнэ" диэн аахсыйа ыытыллар. Тэрээһин Норуоттар сомоҕолоһууларын…
Мүөттээх бальзам 500 г. грецкэй эриэхэни, 300 г. мүөтү, 100 г. алоэ сүмэһинин, 4 лимону…
Сарсын, сэтинньи 4 күнүгэр, Дьокуускайга трофейнай байыаннай тиэхиньикэ быыстапката арыллыаҕа. Бу күн биир сүрүн тэрээһининэн…
Владивостокка буолбут Уһук Илиҥҥи хуор олимпиадатыгар "Кыра оҕолор хуордара" номинацияҕа кыттан, "Туймаада эрэлэ" дипломунан уонна үрүҥ…