Ааспыт сылга Саха сиригэр ханнык идэлэргэ ордук наадыйбыттарый?

hh.ru рекрутинговай онлайн-ресурс ырытааччылара 2024 сылга Саха сиригэр 40 тыһыынчаттан тахса бакаансыйаны үөрэтэн, үлэни биэрээччилэр ордук ханнык идэлэргэ наадыйалларын быһаардылар.

Онуоха инники кэккэҕэ  суоппардар таҕыстылар, үлэни биэрээччилэр 3,9 тыһыынча оробуочай миэстэҕэ наадыйбыттар. Иккискэ 2,3 тыһыынча машинист миэстэтэ таҕыста. Онтон үһүс миэстэни атыы-эргиэн менеджердэрэ уонна килийиэннэри кытары үлэҕэ мененджердэр үллэһиннилэр (2,2 тыһыынча этии киирбит).

Дьиктитэ диэн, Арассыыйа уопсай рейтинигэр  арыый атын хартыына тахсан кэлэр: бастатан туран,  атыыга уонна килийиэннэри кытары үлэҕэ менеджергэ, онтон атыыһыттарга уонна суоппардарга наадыйаллар.

Саха сиригэр уон ордук наадалаах идэҕэ өссө бааллар: атыыһыт-консультаннар уонна атыыһыт-кассирдар (2,1 тыһыынчалыы бакаансыйа), оробуочайдар  (1,8 тыһыынча), силиэсэрдэр уонна сантехниктар  (0,9 тыһыынчалыы), ону сэргэ  асчыттар, килиэп оҥорооччулар, кондитердар, буҕаалтырдар, сварщиктар уонна  и электромонтажниктар (0,8 тыһыынчалыы).

2024 сылга улаханнык наадыйыллыбатах идэлэринэн дата-сайентистар, гейм-дизайнердар уонна  продюсердар буоллулар¸кинилэргэ сылга уонтан тахса эрэ бакаансыйа аһылла сылдьыбыт.