Хаартыска: sakha.gov.ru ылылынна
Ааспыт сыл түмүгүнэн итиччэ эбийиэк үлэҕэ киирбитэ бэлиэтэнэр, 14 оскуола уонна 4 уһуйаан. Бу туһунан Ил Дархан Айсен Николаев Судаарыстыбаннай Мунньахха (Ил Түмэн) отчуоту билиһиннэрэригэр бэлиэтээтэ.
—Үөрэх инфраструктуратын сайыннарыы тэтимэ намтаабат. 2024 сылга куораттарга уонна улуустарга 14 оскуола уонна 4 уһуйаан тутуллан үлэҕэ киллэриллибитэ. Киин куоракка уонна улуустарга сэттэ оскуолаҕа хапытаалынай өрөмүөн ыытыллыбыта. Быйыл аҕыс оскуолаҕа хапытаалынай өрөмүөннэрэ түмүктэниэҕэ, — диэтэ Ил Дархан.
Кини бырамыысыланнай хампаанньалар кыттыыларынан профтехүөрэхтээһин үөрэтэр-производственнай баазалара бөҕөргөтүллэрин бэлиэтээтэ.
Маны сэргэ, 2024 сылга БКЭ түмүгүнэн 2023 сылы кытары тэҥнээтэххэ, профильнай математикаҕа, физикаҕа, информатикаҕа, химияҕа орто баал үрдээбитэ бэлиэтэнэригэр болҕомтотун уурда. Ол да буоллар, кини этэринэн, БКЭ орто баала дойду үрдүнэн ыллахха, ортоттон намыһах кэрдиискэ турар.
Маны сэргэ, Ил Дархан олимпиадаҕа кыттааччылар ситиһиилэрин ыйда. Ол курдук, 2024-2025 үөрэх сылларыгар Бүтүн Арассыыйатааҕы олимпиадалар түмүктэринэн, биһиги оҕолорбут биэс биридимиэккэ 3 кыайыылаахтар уонна 7 бириистээх миэстэлээхтэр. Бу 2009 сылтан бэттэх ылан көрөр буоллахха, кэнники 16 сылга үчүгэй көрдөрүү.
2024 сыллаахха федеральнай бырайыак куонкуруһугар оҕолору сынньатарга уонна чэбдигирдэргэ куорат таһынааҕы биэс куорпуһу олоххо киллэрэргэ инфраструктураны саҥардан оҥоруу хайысхатынан Саха сирин бырайыага кыайыылаах тахсыбыта. Өрөспүүбүлүкэҕэ сайыҥҥы сезоҥҥа 42 тыһ. оҕону хабан барыта 542 лааҕыр үлэлиэ. Өрөспүүбүлүкэ таһыгар 1400 кэриҥэ оҕо сынньаныа, сүрүннээн арктическай оройуоннартан уонна байыаннай дьайыы кыттыылаахтарын оҕолоро.
Сиһилии https://www.sakha.gov.ru/news/6313 манна ааҕыҥ.
СӨ Ил Дарханын уонна Бырабыыталыстыбатын пресс-сулууспата
Дьокуускайга ыытылла турар 25-с Федеральнай Сабантуй кэмигэр Татарстан уонна Саха сирин сонуннары киэҥник тарҕатар сириэстибэлэрэ…
Бэс ыйын 12 күнүттэн Дьокуускай куоракка Федеральнай Сабантуй култуурунай бырагыраамалара ыытылла тураллар. Онтон сарсын, бэс…
Бу күннэргэ тирэх пууннар Дьокуускайтан, Тааттаттан, Уус Алдантан тиийбит дэлэгээссийэлэри дойдуларыттан сылдьар байыастары кытары көрүһүннэрдилэр.…
Дьокуускайга Федеральнай Сабантуй чэрчитинэн, Национальнай бибилэтиэкэҕэ “Казань” уопсастыбаннай-бэлитиичэскэй, литературнай-уус уран сурунаал 6 нүөмэрин сүрэхтээтилэр. Сурунаалы…
Хас биирдии үүнээйи туспа ааттаах-суоллаах, суолталаах. Уопуттаах оҕуруотчуттар ханнык сибэккини дьиэҕэ олордору, ханныгы олордуллуо суохтааҕын…
Бу күннэргэ Мэҥэ Хаҥалас улууһун Догдоҥо нэһилиэгинэн ааһар суолга аспааллааһын үлэтэ ыытыллар. Бу туһунан улуус…