Хаартыска: Полина Жергина тиксэриитэ.
Саха сиригэр Ийэ күнүн көрсө Кэбээйи улууһун Куокуй нэһилиэгин «Угуйаан» култуура киинигэр күн күбэй ийэлэрбитигэр, элэккэй эбээлэрбитигэр, килбик кийииттэрбитигэр анаан «Төннөн санаан ылыах ааспыт сыллары» тэрээһин ыытылынна.
Бу үөрүүлээх күн күбэй ийэлэри, эйэҕэс эбээлэри ис сүрэхтэн кэрэ истиҥ бырааһынньыгынан эҕэрдэлээн туран тэрээһини нарын намчы ырыанан оскуола 3 кылаас үөрэнээччилэрэ Ангелина Яковлева, Богдан Соловьев арыйдылар. «Этно» муода тыйаатыр кыргыттара (салайааччы Ольга Гуляева) урукку сыллар муодаларын көрдөрдүлэр. Нэһилиэк самодеятельноһын кыттыылаахтара Петр Полятинскай, Зоя Гуляева, Сардана Полятинская, Валентина Иванова ылбаҕай ырыаларын бэлэх ууннулар. Кэнсиэри үҥкүү кэрэ алыбынан тэлээрэн, элээрэн, дэгэйбэхтээн «Луҥха долгуннара»,»Нарыйа» үҥкүү түмсүүлэрэ киэргэттилэр.Тэрээһини урукку оонньууларынан ситэрэн-хоторон көрдөөх оонньууларынан Ольга Ивановна Гуляева сэргэхситтэ. Бу киэһэ өрөгөйдөөх үбүлүөйдээх, байыаннай дьайыыга сылдьыбыт уолаттарбыт ийэлэрин эҕэрдэлээн туран сэмэй бэлэхтэри туттардыбыт.
Тэрээһин урукку сыллар муусукаларынан уоттаах-күөстээх дискотеканан түмүктэннэ.
Полина Жергина.
Кэнники кэмҥэ Саха сирин олохтоохторо «MAX» диэн саҥа мессенджери хото туһанар буоллулар. Саҥа сервис тугунан…
Сылгыны иитиигэ биэ да, атыыр да буоллаҕына, түүтэ куобах ньуолах, таныыта киэҥ, хараҕа толору, кэтит…
Бүлүүгэ доруобуйаларыгар хааччахтаах дьоҥҥо успуорт бэстибээлэ ыытылынна. Күрэхтэһиигэ бойобуой дьайыылар бэтэрээннэрэ Еремей Ермолаев, Иван Гуляев, Геннадий…
«Коробка храбрости» аахсыйа чэрчитинэн хомуллубут оонньуурдар Т.П. Дмитриева аатынан Өрөспүүбүлүкэтээҕи оҕо сэллигин эмтиир санаторийга туттарылыннылар.…
Ил Дархан Айсен Николаев уонна РФ бырамыысыланнаска уонна атыыга-эргиэҥҥэ миниистирэ Антон Алиханов оробуочай көрсүһүү кэмигэр…
Ааспыт сууккаҕа Саха сирин үрдүнэн буруйу оҥоруу биэс түбэлтэтэ бэлиэтэммит. Бу туһунан СӨ Борокуратуурата иһитиннэрэр.…