Ааспыт ыйга сүппүт киһини көрдүүллэр

Балаҕан ыйын 29 күнүгэр Мэҥэ Хаҥалас улууһугар 1960 сыллаах төрүөх киһи сураҕа суох сүппүтэ.

Биллэринэн, сүппүт киһи уонна 1973 сыллаах төрүөх атын киһи нэһилиэктэн биэс биэрэстэ курдук тэйиччи сытар Бүөгүр диэн сиргэ үлэлии барбыттара. Кинилэри онно үлэлэтэр олохтоох урбаанньыт илдьэн биэрбит.

Эр дьон үлэлэрин түмүктээн, Майа сэлиэнньэтигэр сатыы барбыттар. Аара суолга 65 саастаах киһи сылайдым диэн, аргыһын бара тур диэбит, кэннигиттэн батыһан иһиэм диэн эрэннэрбит.

Ол гынан баран саастаах киһи дьиэтигэр кэлбэтэх, көрдөөн көрбүттэр да туһа тахсыбатах.

Аймахтара полицияҕа сайабылыанньа биэрбиттэр, ол кэннэ көрдөөһүн саҕаламмыт. Билиҥҥитэ туох да  түмүк суох.

Бүгүн Тит Алексеев салайааччылаах Саха сиринээҕи быыһыыр сулууспа биэс киһитэ сүппүт киһини көрдүү бардылар.

Архыып хаартыската.