Ааспыт өрөбүллэргэ Арассыыйа табаһыттара Саха сиригэр күрэхтэстилэр

Кулун тутар 18-19 күннэригэр Нерюнгри оройуонугар Норуоттар икки ардыларынааҕы табаһыттар чөмпүйэнээттэрэ буолан ааста.

Субуота күн Иенгрэҕэ наарталаах табаны сүүрдүү буолла. Бу күрэхтэһиигэ бастакы миэстэни Саха Өрөспүүбүлүкэтин 2-с хамаандатын чилиэнэ Игорь Колесов ылла. Иккис миэстэ Амур уобалаһыттан кэлбит кыттааччы Максим Андреев буолла. Үсүһүнэн биэтэккэ кэлбит табаһытынан Марат Слепцов буолла, кини Саха Өрөспүүбүлүкэтин 1-кы хамаандатын кыттыылааҕа.