Ааспыт нэдиэлэҕэ Дьокуускайга 17 киһи суол саахалыгар эчэйбит

Ааспыт нэдиэлэ устата Дьокуускайга 42 суол саахала буолбут. Алта саахалга 17 киһи эчэйдэ диэн бүгүн киин куорат уоукуруктааҕы дьаһалтатын планеркатыгар иһитиннэрдилэр.

ГИБДД үлэһиттэрэ суол быраабылатын кэһии 1061 түбэлтэтин бэлиэтээтилэр, итирик туруктаах 25 суоппар тутулунна, онтон 5-һэ итирэн баран уруулга иккистээн олорбут.