Аатырбыт «AY YOLA» бөлөҕө Дьокуускайга кэлиэҕэ

Дьокуускайга ыам ыйын 29 күнүгэр Комсомольскай болуоссакка кэнсиэргэ  социальнай ситимнэринэн аатырбыт башкирдар «AY YOLA» бөлөҕө кыттыаҕа. Ол туһунан «AY YOLA» бөлөх ТГ-ханаалыгар иһитиннэрдэ.

Бөлөх «Хумай» ырыанан биллэр. Бу хит YouTube порталга 5 мөл. тахса көрүүнү хомуйбута.

AY YOLA — бу былыргы «Урал-Батыр» эпоһы тилиннэрэр муусука.

AY YOLA бөлөх «Создано на Дальнем Востоке: от творчества к экономике» диэн креативнай индустрия II норуоттар икки ардыларынааҕы пуорум хедлайнерынан буолуоҕа. Кэнсиэр киэһэ 20:30 чаастан саҕаланар.

Санатан эттэххэ, пуорум ыам ыйын 29-31 күннэригэр ыытыллыаҕа. Пуорумҥа Кытайтан, Индонезияттан, Казахстантан уонна да атын дойдулартан эспиэрдэр кытталлара күүтүллэр.

«Хумай» диэн кимий?