Аатырбыт «Кэскил» кэмиэдьийэ салҕыытын устуохтара

Аҕыс сыл ааспытын кэнниттэн «DetSat» айар бөлөх аатырбыт «Кэскил» кэмиэдьийэлэрин төрдүс чааһын устарга санаммыттарын туһунан биллэрдилэр диэн СИА суруйар. 

Режиссерунан Дмитрий Шадрин – Шандор буолбут. Бу сырыыга киинэҕэ элбэх ыҥырыллыбыт сулустар оонньуулар. Ол курдук Валентина Романова — Чыскыырай, Владимир Дормидонтов, Алексей Михайлов — Өттүк Леха, Иннокентий Орестов (Зина), Анатолий Кириллин (Чээкэ) кытталлара биллэр.

«Кэскил-4» уус-уран киинэ бу күһүн киэҥ экраҥҥа тахсара былааннанар. Дьиҥэр, бу киинэ «Кэскил» эрэ салҕааһына буолбатах, «DetSat» бөлөх атын киинэлэрин дьоруойдарын эмиэ түмэр бырайыак буолар. Киинэ сүнньэ дэриэбинэҕэ быыбар айдаанын туһунан буолар диэн киинэни устааччылар этэллэр.

Сиһилии СИА суруналыыстарыгар биэрбит видео интервьюларыгар билсиэххитин сөп: