Хаартыска sakha.gov.ru ылылынна
Амма улууһугар Абаҕаҕа саҥа оскуола-уһуйаан дьиэтэ тутулла турар.
Уопсай иэнэ 4,7 тыһ. кв. м тахса. Манна 150 оҕо үөрэниэ, 75 оҕо уһуйааҥҥа сылдьыа диэн былаанныыллар. Бу «СӨ үөрэҕи сайыннарыы» судаарыстыбаннай бырагыраама, «Аныгы оскуола» эрэгийиэн быргырааматынан тутуллар.
Ил Дархан Айсен Николаев өрөспүүбүлүкэҕэ сүүрбэттэн тахса оскуола тутуллан үлэҕэ киирэринэн 2023 сыл ураты буолуоҕун бэлиэтээн турар. Оттон тутуу хаамыытын СӨ Экэниэмикэ миниистирэ Майя Данилова билистэ.
Билигин дьиэ таһын, ититии ситимин, уотун-күөһүн, канализациятын, дьиэ ис өртүн оҥороллор. Дьиэ таһыгар былаһааккалары, тротуардары оҥоруу үлэтэ ыытыллар.
Үлэ кыраапык быһыытынан барар. Эбийиэк 70 % бэлэм, ахсынньыга үлэҕэ киллэрэр былааннаахтар. Манна 52 киһи, 12 тиэхиньикэ үлэлиир.
Бырайыагынан уһуйаан уонна оскуола уопсай көрүдүөрүнэн, аһы-үөлү бэлэмниир сиринэн ситимнэһэллэр.
Алын сүһүөх кылаас оҕолоругар 14 миэстэҕэ түөрт кылаас көрүллүбүт. Маны сэргэ уһанар мастарыскыай, иис уруогар, үүнээйини көрөргө-харайарга үөрэнэр хостор, о.д.а. бааллар. Успуорт уонна актовай саалалар, 80 миэстэлээх остолобуой, логопед, учууталлар хосторо былааннаналлар.
Үрдүкү уонна орто сүһүөх кылаас оҕолоругар 13 кылаас көрүллүбүт. Итиннэ лингафоннай кылаастар, информатика, уруһуй, черчение хосторо, ааҕар саалалаах бибилэтиэкэ, кыһыҥҥы саад баар буолуохтаахтар.
Оҕо саадыгар 1-7 диэри саастаах түөрт бөлөх сылдьыаҕа диэн этиллэр. Физкултууралыырга уонна муусукаҕа дьарыктанарга саала, оҕолору күүлэйдэтэр веранда, сэбиэдиссэй, логопед, мэдиссиинэ үлэһитин хосторо былааннаммыттар.
СӨ Ил Дархан уонна Бырабыыталыстыба пресс-сулууспата
2025 сылга биисинэһи өйүүр сыаллаах «Көдьүүстээх уонна күрэстэһиилээх экэниэмикэ» саҥа национальнай бырайыак саҕаламмыта. Национальнай бырайыак…
Арассыыйа Бэрэсидьиэнэ Владимир Путин көҕүлээһининэн ыытыллыбыт «Доруобуйа харыстабыла» национальнай бырайыагы олоххо киллэрии кэмигэр Саха сирин…
Ааспыт нэдиэлэҕэ байыастарга анаан үс тиэхиньикэ барда. Бу туһунан "Бары бииргэ Кыайыыга!" хамыыһыйа сүрүннүүр киинин…
Өлөөн улууһугар өрүһү туоруур суолу Өлөөн уонна Харыйалаах сэлиэнньэлэрин икки ардыгар астылар. Муус халыҥа 3…
Ил Дархан көҕүлээһининэн Арктика улуустарын үөрэҕин тэрилтэлэригэр эдэр исписэлиистэри сыһыарыыга туһаайыллар “Арктика учуутала” бырайыак ситиһиилээхтик…
Өрөспүүбүлүкэтээҕи доруобуйалара хааччахтаах оҕолорго аналлаах реабилитациялыыр кииҥҥэ байыаннай дьайыы кыттыылаахтарын дьиэ кэргэттэрин 642 чилиэнэ, ол…