Ил Дархан, бырабыыталыстыба пресс-сулууспата.
Баскыһыанньаҕа, от ыйын 7 күнүгэр, Дьокуускайга Орджоникидзе болуоссатыгар 9-с төгүлүн “Профориентация” үөрэх миэстэлэрин уонна идэ дьаарбаҥка-быыстапкатын иккис түһүмэҕэ ыытылынна. Уопсайа 60-тан тахса тэрилтэ кытынна. Бастакы түһүмэх 2023 сыллаахха ахсынньы 5 күнүгэр «Кружало» атыы-эргиэн киинигэр буолбута.
Уопсайа 60-тан тахса тэрилтэ кытынна: үрдүк уонна орто идэтийбит үөрэх кыһалара, үлэни биэрээччилэр, үөрэҕирии уонна научнай-чинчийэр кииннэр, автооскуолалар, тэрилтэлэр уонна идэни туһаайыы исписэлиистэрэ. Маны таһынан, РФ Оборуонаҕа министиэристибэтин байыаннай үнүбэрсиэттэриттэн тутар хамыыһыйалар үлэлээтилэр.
“Бу дьаарбаҥкаҕа аан бастаан гражданскай үнүбэрсиэттэртэн ураты байыаннайдар эмиэ кытталлар. Бары чэпчэтиилэр выпускниктарга бэриллэллэр, ол иһигэр байыаннай тиэхиньикэни уонна тэриллэри тутан-хабан көрүү, бэрэбиэркэлээһин. Тэрээһин идэни талыыга көмөлөһүө, киэҥник көрөр кыаҕы биэриэ дии саныыбын», — диэн быыстапканы кытта билсибит бырабыыталыстыба бэрэссэдээтэлин солбуйааччы Ольга Балабкина эттэ.
Үгэс быһыытынан, дьаарбаҥкаҕа үөрэххэ тус сыаллаах бэлэмнээһин отделлара уонна СӨ Үөрэҕин, наукатын министиэристибэтин бэрэстэбиитэллэрэ үлэлээтилэр, үөрэххэ киирии бэрээдэгин уонна өйөбүл миэрэлэрин тустарынан кэпсээтилэр.
“Билигин Арассыыйаҕа бүддьүөт нөҥүө киирэргэ элбэх кыах баар, маны туһаныахтаахпыт. Үнүбэрсиэттэргэ уонна техникумнарга сөптөөх ахсааннаах миэстэ тэрилиннэ. Маны таһынан, “Үөрэхтээһин” национальнай бырайыак көмөтүнэн, федеральнай үнүбэрсиэттэргэ эрэ буолбакка, эрэгийиэннээҕи колледжтарга, техникумнарга материальнай база дьоһуннаахтык саҥардылынна. Ол эбэтэр, үгүс мастарыскыайдар тэрилиннилэр, бырамыысыланнай бэлэмнэнии маастардара квалификацияны үрдэтиини ааспыттара», — диэн СӨ үөрэҕириитин миниистирин бастакы солбуйааччы Михаил Присяжнай бэлиэтээтэ.
Дьаарбаҥкаҕа үнүбэрсиэттэр уонна колледжтар хомуурунньук каталогтара босхо тарҕаннылар. Үрдүк үөрэх кыһаларын, институттар, техникумнар, колледжтар кылгас киинэлэрэ улахан светодиоднай экрааҥҥа көрдөрүллүбүттэрэ. Дьарыктаах буолуу киинин исписэлиистэрэ ыалдьыттарга саҥа киирбит “Арассыыйа үлэтэ” портал туһунан кэпсээтилэр.
Үөрэх кирэдьииттэрин чэпчэтиилээх бырагыраамаларынан дьаарбаҥка генеральнай спонсора «Алмазэргиэнбаан» туруорда.
Ил Дархан, бырабыыталыстыба пресс-сулууспата.
Бүгүн Дьокуускай куоракка анал байыаннай дьайыы кыттыылаахтарын уонна кинилэр дьиэ кэргэттэрин чилиэннэрин кытта былаас уорганнара,…
Бу күннэргэ Дьокуускайга уйулҕа үлэһиттэрин V пуорумнара буола турар. Үс сиэксийэнэн арахсан, өрөспүүбүлүкэ тутаах тэрилтэлэрин…
Психолог күнүн чэрчитинэн, Өрөспүүбүлүкэтээҕи психологическай кииҥҥэ «Практическая психология: актуальные вопросы» диэн V психологтар пуорумнара ыытылла…
Режиссер Михаил Лукачевскай Казань куоракка буолбут "Союз" эрэгийиэннээҕи киинэ бэстибээлигэр "Бастыҥ продюсер" аатын ылла. Бу…
«Архиграф» бырайыактыыр мастарыскыай хаачыстыбалаах, эрэллээх аныгылыы уонна табыгастаах олорор дьиэлэри оҥорор диэн Саха сирин архитектураҕа…
Дьокуускай Гагаринскай уокуругар баар сылаас тохтобуллартан биирдэстэрин кимнээх урусхаллаабыттарын полиция быһаарда. Бу туһунан Уопсастыбаннай сирдэр…