Диана Антонова түһэриитэ
ХИФУга үөрэххэ туттарсыы хампаанньата бэс ыйын 20 күнүттэн саҕаланан, билигин докумуоннары тутуу үгэнэ. Университет сүрүн куорпуһугар абитуриеннары кытары үлэ көхтөөхтүк ыытыллар. ХИФУ Хотугулуу-Илиҥҥи норуоттарын тылларын уонна култууратын институтун үөрэххэ тутар хамыыһыйатын эппиэттиир сэкирэтээрэ Анна Захаровалыын көрсөн кэпсэттибит.
— Анна Михайловна, ХИФУга үөрэххэ туттарсыы хампаанньата хаһан саҕаламмытай уонна хаһан түмүктэнэрий?
-Бэс ыйын 20 күнүттэн биһиги үөрэхпитигэр докумуоннары тутуу саҕаламмыта. Бакалавриат уонна специалитет бырагырааматыгар орто үөрэх кэнниттэн кэлбит оҕолор докумуоннарын от ыйын 15 күнүгэр диэри ылабыт, оттон оскуола кэнниттэн кэлбиттэр от ыйын 20 күнүгэр диэри туттараллар. Магистратураҕа от ыйын 1 күнүттэн 31 күнүгэр диэри ылабыт.
-Абитуриеннар үөрэххэ туттарсыы, саҥа үөрэхтэр тустарынан сиһилии иһитиннэриини хантан ылыахтарын сөбүй?
-Киин тутар хамыыһыйа анал саайтаах. Ону “цпк свфу” диэн «поисковикка» көрдөөтөххө, тута тахсар. Эбэтэр университет сүрүн куорпуһугар кэлэн, волонтердартан сүбэ-ама, эбии иһитиннэрии ылыахтарын сөп.
-Күҥҥэ төһө элбэх киһи хамыыһыйаҕа кэлэн докумуон туттарарый?
-Билиҥҥитэ дьон аҕыйах. «Азия оҕолоро» оонньуулар уонна БКЭ хос туттарыы (пересдача) бүттэхтэринэ, үөрэххэ туттарса кэлээччи ахсаана лаппа элбиэҕэ. Итиэннэ билигин «Госуслуги» портал нөҥүө абитуриент тэйиччиттэн олорон да докумуоннарын ыытар кыахтаах.
— ХИФУга үөрэххэ туттарсааччы ахсаана элбэх дуо?
-Элбэхтэр. Биһиги үөрэхпитигэр уопсай дьиэ элбэҕин таһынан, устудьуон истипиэндьийэтэ үрдүк. Биһиги эрэ үөрэхпит кыһатыгар үрдэтиллибит истипиэндьийэ баар. Научнай, спортивнай, айар уонна уопсастыбаннай ситиһиилээхтэргэ истипиэндьийэ баар. Аны университетпыт стажировканы өйүүр. Ол курдук, оҕолор Казахстаҥҥа, Кытайга уонна да атын дойдуларга атастаһыы бырагыраматынан үөрэнэллэр. Куонкуруска, күрэххэ кытта барар устудьуоннарга ХИФУ ороскуоттарын төлүүр.
-Хотугулуу-Илиҥҥи норуоттар тылларын уонна култуураларын институтугар саҥа уларыйыылар киирбиттэрэ дуо?
-Биһиги институппутугар саҥа икки хайысха арылынна. Бастакыта — муусука учуутала уонна култуура эйгэтин үлэһитэ. Иккиһэ — саха тылын уонна литэрэтиирэтин учуутала, ону тэҥэ оскуола дириэктэрин иитэр-үөрэтэр үлэҕэ солбуйааччы. Ол аата, бу балартан биир хайысхаҕа киирэн баран, икки идэни баһылаан тахсар кыахтаналлар. Уон биэстии бюджет миэстэлэрэ иккиэннэригэр баар.
Диана Антонова
Дьокуускайга Ленин аатынан болуоссакка музыкальнай фонтаны холбоон бэрэбиэркэни ыыттылар. СИА кэрэспэдьиэнэ миэстэтиттэн ураты көстүүнү видеоҕа…
Алтынньы 4 күнүгэр сарсыарда эрдэ ГАИ сулууспатыгар киин куорат Сэргэлээхтиир шоссе 11 км суол быһылаана…
Томпо улууһун Байаҕантай нэһилиэгэр бүгүн олохтоох көҕүлээһиннэри өйүүр бырагырааманан уонна нэһилиэнньэ көмөтүнэн тутуллубут Учуутал искибиэрин…
Дьокуускай куорат полициятын отделыгар икки тутуу хампаанньатын бэрэстэбиитэллэриттэн тутуу былаһааккатыттан уоруу тахсыбытын туһунан сайабылыанньалар киирбиттэр.…
Ил Дархан Айсен Николаев Горнай улууһугар Элбэх функциялаах сынньалаҥ киин тутуутун хаамыытын бэрэбиэркэлээтэ уонна сыл…
Саха сиригэр быйыл кыһын нуорматтан үрдүк салгын температурата турара күүтүллэр. Саха сиринээҕи Гидрометкиин сулууспатыгар кыһыҥҥы…