Хаартыска: СИА.
Бүгүҥҥүттэн, бэс ыйын 20 күнүттэн, Хотугулуу-Илиҥҥи федеральнай университекка орто анал үөрэх, бакалавриат, специалитет бырагыраамаларыгар докумуону тутуу саҕаланна.
Кэлэр 2024-2025 үөрэх дьылыгар үөрэх кыһата барыта 4136 бүддьүөт миэстэтигэр үөрэххэ ылыаҕа. Бакалавриат уонна специалитет бырагырааматыгар үс тыһыынчаттан тахса миэстэ тыырылынна.
Ол курдук, 2662 абитуриент бакалавриат, специалитет бырагыраамаларыгар күнүскү үөрэххэ киириэн сөп, кэтэхтэн – 390. Ону тэҥэ, магистратураҕа күнүскү үөрэххэ 569, кэтэхтэн 66 бүддьүөт миэстэтэ бэрилиннэ. Бу туһунан ХИФУ пресс-сулууспата иһитиннэрэр.
Бакалавриакка, специалитекка туттарсааччылар биэс, магистратураҕа үс хайысхаҕа уонна исписээлинэскэ сайабылыанньа биэрэр кыахтаахтар. Маныаха хайата суолталааҕын (приоритетность) бэлиэтиир ирдэнэр. Быйыл бакалавриакка, специалитекка 2020-2024 сылларга туттарыллыбыт биир кэлим эксээмэн (ЕГЭ) түмүгүнэн үөрэххэ киириэххэ сөп.
Маны тэҥэ, ХИФУ орто анал үөрэххэ абитуриеннары ылыаҕа. Түөрт үөрэх салаатыгар барыта 11 бырагыраама баар. Инфраструктурнай технология кэллиэһигэр күнүскү көрүҥҥэ 275 бүддьүөт, 94 төлөбүрдээх миэстэ көрүлүннэ, мэдиссиинэ институтугар – 20 төлөбүрдээх, үп-экэниэмикэ институтугар – 35 төлөбүрдээх уонна кэтэхтэн 15 төлөбүрдээх, оттон юридическай кэллиэскэ 90 төлөбүрдээх миэстэлэр. Бэлиэтээн эттэххэ, ХИФУ орто үөрэҕэр 11-с кылаас эрэ кэнниттэн ылаллар. Орто үөрэххэ докумуону бэс ыйын 20 күнүттэн атырдьах ыйын 15 күнүгэр диэри тутар, оттон Мэдиссиинэ институтун иһинэн орто анал үөрэххэ – атырдьах ыйын 10 күнүгэр диэри.
Бакалавриакка уонна специалитекка бүддьүөт миэстэлэригэр биир кэлим эксээмэн (ЕГЭ) түмүгүнэн күнүскү уонна кэтэхтэн көрүҥнэргэ бэс ыйын 20 күнүттэн от ыйын 25 күнүгэр (Москва бириэмэтинэн 12:00 чааска) диэри ылар. Юридическай бакылтыат, үп-экэниэмикэ институтун, тас дойду филологиятын уонна регионоведениетын институтугар, мэдиссиинэ институтугар ХИФУ эбии тургутууларын туттарааччылартан докумуоннары бэс ыйын 20 күнүттэн от ыйын 15 күнүгэр диэри туталлар. Онтон атын бырагыраамаларга ХИФУ эбии тургутуутун ааһааччылартан – от ыйын 20 күнүгэр диэри.
Абитуриеннар былырыыҥҥы курдук докумуоннарын үс көрүҥүнэн ыытар кыахтаахтар:
— тус бэйэлэрэ эбэтэр дэбиэриннэстээх дьонунан хамыыһыйаҕа аҕалыы,
— Судаарыстыбаннай өҥө порталынан «Поступление в вуз онлайн» суперсервис нөҥүө,
— эбэтэр Арассыыйа буостатынан.
Бары сүүмэрдиир хамыыһыйалар университет сүрүн куорпуһугар бааллар. Аадырыстара: Дьокуускай к., Кулаковскай уул. 42-с нүөмэрдээх дьиэтигэр бастакы уонна иккис мэндиэмэннэргэ.
Сиһилии манна ааҕыҥ.
Күнү-дьылы кэтээн көрөөччүлэр туох дииллэрий? Өрөспүүбүлүкэ хоту, хотугулуу-илин өттүгэр кыралаан ардыыр, сорох сиринэн инчэҕэй хаардаах,…
“Спортивные якутяне” үөрэнээччилэр өрөспүүбүлүкэтээҕи спартакиадаларын волейбол көрүҥэр күрэхтэһии бүгүҥҥүнэн бүттэ. Кыргыттарга Дьокуускай хамаандата бастаата, Чурапчы…
Бүгүн Аллайыаха улууһун Бөрөлөөх нэһилиэгэр бибилэтиэкэҕэ тапталлаах бэйиэппит Александр Пушкиҥҥа анаммыт сыл аайы ыытыллар “Аллаиха…
Сарсын, бэс ыйын 7 күнүгэр, кэрэ айылҕалаах Кэҥкэмэ үрэх биэрэгэр эбэҥки норуота үгэс буолбут сайыҥҥы…
Куһу-хааһы бултааһын, сиргэ-уокка сылдьыы бэрээдэги ирдиир. Онон муус устар 25 күнүттэн бэс ыйын 5 күнүгэр…
Бэс ыйын 6-8 күннэригэр самаан сайыны уруйдуу Бүлүүлүүр аартыкка Кэҥкэмэ үрэх таһыгар “Бакалдын-2025” эбэҥкилэр үгэс…