Хаартыска: Доруобуйа харыстабылын министиэристибэтэ
Доруобуйа харыстабылын министиэристибэтин кылаабынай штаты таһынан акушер-гинеколога, М.Е. Николаев аатынан Национальнай мэдиссиинэ киинин-1№-дээх Өрөспүүбүлүкэтээҕи балыыһа Перинатальнай киинин дириэктэрэ Татьяна Павлова 2023 сыл түмүктэрин таһаарда.
— Ааспыт сылга биир да ийэ өлүүтэ тахсыбата, бу биһиги үлэбит уопсай ситиһиитэ буолар. Ону тэҥэ, ийэ иһигэр уонна кыһыл оҕо өлүүтүн көрдөрүүтүн биллэ намтаттыбыт, онон Саха сирэ Арассыыйа үрдүнэн оҕо өлүүтүгэр намыһах көрдөрүүлээх эрэгийиэннэргэ киирдэ. Бу доруобуйа харыстабылын министиэристибэтин перинатальнай көмө үс сүһүөхтээх систиэмэтин киллэриигэ өр сыллаах үлэтин түмүгэ буолар.
Саха сирэ Уһук Илин эрэгийиннэригэр оҕо төрөөһүнүгэр лиидэр буолар, Арассыыйаҕа да үчүгэй көрдөрүүлээх. Бу көрдөрүү дьиэ кэргэҥҥэ үһүс уонна онтон кэлэр оҕо төрөөһүнүнэн ситиһиллэр.
Биһиги кииммит ийэ хат буолуоҕуттан төрүөр диэри кэтээн көрөр. Бэйэлэрэ хат буолбут дьахталлары эрэ көрөр буолбакка, «эко» көмөтүнэн ийэ буолалларыгар көмөлөһөбүт. Саха сиригэр «эко» көмөтүнэн хат буолуу көрдөрүүтэ 31,7% үрдээтэ.
Ийэ үүтүнэн аһатар ньыманы тарҕатан, улахан үлэ ыытылынна. Бу үүнэр ыччаппыт доруобуйатын мэктиэтэ. 8 мэдиссиинэ тэрилтэтэ «Оҕоҕо үтүө сыһыаннаах балыыһа» аатын сүгэр. Ийэ иһигэр баар оҕолорго 36 хаанынан бэриллэр ыарыыларга скрининг оҥорууга оҕолор 97,3%-рын хаптыбыт.
Кэнники 5 сыл иһигэр өрөспүүбүлүкэҕэ аборт ахсаана икки төгүл аҕыйаата. Ыарахан балаһыанньаҕа түбэспит хат дьахталларга аналлаах 17 мэдиссиинэ-уйулҕа кэбиниэттэрэ аһыллан үлэлииллэр.
Инники өссө элбэх үлэ күүтэр, 2025 сылы өссө үчүгэй көрдөрүүлээх көрсүөхтээхпит диэн соруктаахпыт.
Үүнэр сылтан саҥа дьиэ кэргэн төлөбүрүн биэрэр буолуохтара. Бу төлөбүрү норуокка “төрөппүт 13-с хамнаһа” диэн…
Бүгүн Ил Дархан Айсен Николаев суруналыыстары кытары көрсүһэригэр эрэгийиэн сүрүн салааларыгар идэтийбит каадырдар тиийбэттэрин эттэ.…
Былырыын олунньуга Онкология өрөспүүбүлүкэтээҕи диспансерын саҥа дьиэтэ үлэҕэ киллэриллэн, өрөспүүбүлүкэ олохтоохторо уодаһыннаах ыарыыны сэрэтэргэ уонна…
Бүгүн Дьокуускайга буолбут пресс-кэмпириэнсийэҕэ «Саха» национальнай көрдөрөр-иһитиннэрэр хампаанньа генеральнай дириэктэрэ Олег Марков «Саха» НКИИХ биллиилээх…
Ахсынньы 18 күнүгэр Мэҥэ Хаҥалас улууһун И.М. Сосин аатынан Майатааҕы киин бибилэтиэкэ ааҕар саалатыгар бэйиэт,…
Жатай полициятыгар олохтоох дьахтар төлөпүөннээн, кини массыынатын иһигэр итирик туруктаах билбэт киһитэ олорорун, тахсыан баҕарбатын…