Хаартыска: Sportyakutia.ru
Холбоһуктаах Араб Эмираттарын киин куоратыгар «Успуорду таптааччыларын аһаҕас оонньуулара» (Open Masters Games) түмүктэннэ. Бу оонньуулар профессионаллары уонна успуорт таптааччыларын түмтүлэр.
Арассыыйа дэлэгээссийэтэ мэтээл ааҕыытыгар үгэс быһыытынан бастыҥнар кэккэлэригэр сылдьар, быйыл хамаанда эмиэ үчүгэй түмүктэри көрдөрдө. Арассыыйа сүүмэрдэммит хамаандатын састаабыгар биир дойдулаахтарбыт Мария Неустроева уонна Ирина Софронова ааттаннылар. Икки күрэсчит холбоон 8 кыһыл көмүс уонна биир боруонса наҕарааданы ыллылар диэн Sportyakutia.ru суруйар.
77 саастаах Мария Неустроева 1500 м, 5000 м, 2500 м дистанцияларга, 4х100 уонна 4х400 эстафеталарга кыайан, 5 кыһыл көмүс мэтээли ылла. Оттон Ирина Софронова 21 км сүүрүүгэ, 4х100 уонна 4х400 м эстафеталарга үс кыһыл көмүс наҕарааданы ылла. Ону тэҥэ киниэхэ 5000 м спортивнай хаамыыга боруонса мэтээл баар.
Абу-Дабига ыытыллыбыт күрэхтэһии саамай бөдөҥ аан дойдутааҕы тэрээһининэн буолла, онно аан дойду 10 дойдутуттан кэлбит 30-тан үөһэ саастаах 25 тыһыынчаттан тахса күрэсчит кытынна. Бырагырааммаҕа успуорт 33 көрүҥэ киирдэ.
Ирина Софронова — Ньурба улууһун Ытык олохтооҕо, бэтэрээннэргэ аан дойду чөмпүйүөнэ (2009), бэтэрээннэргэ Европа чөмпүйэнээттэрин уонна Аан дойдутааҕы оонньуулар элбэх төгүллээх призера, «Тымныы полюһа» экстремальнай марафон кыайыылааҕа.
Мария Неустроева — Мэҥэ Хаҥалас улууһун Ытык олохтооҕо, бэтэрээннэргэ Европа 12 төгүллээх чөмпүйүөнэ, аан дойду чөмпүйэнээттэрин 11 төгүллээх призёра, Арассыыйа рекордсмена.
Эрдэҕэс саас диэн 12-17 саастаах оҕолору ааттыыллар. Сорохторго "подростковайдаабыт" дэнэр саастара эрдэлээн 12 саастарыттан саҕаланар.…
Билигин магнитнай буурҕалар үгүстүк түһэллэринэн, эдэр да саастаах дьон төбөлөрө сотору-сотору ыалдьыан сөп. Төбө ыарыытыгар…
Үгүс хаһаайкалар ас астыы сылдьан эт кырбыылларыгар убаһа, ынах сыатын туспа быһан салапааҥҥа суулууллар уонна…
Булуҥ оройуонун суута Эдьигээн олохтооҕун буруйдааҕынан билиннэ. Кини утарылаһааччытын куруусканан төбөҕө охсон, киһи өлүүтүгэр тиэрдибит…
Бу сайын Дьокуускайга Норуоттар икки ардыларынааҕы интеллектуальнай оонньуулар ыытыллыахтара, онно Азия 20 дойдутуттан оскуола оҕолоро…
Быйыл Олоҥхо ыһыаҕа от ыйын 4–5 күннэригэр Кэбээйи нэһилиэгэр ыытыллыаҕа. Бырааһынньыкка бэлэмнэнии номнуо саҕаланна: манна…