Хаартыска: «Полярные авиалинии» хампаанньа
2024 сылга Абый оройуонун олохтоохторо Дьокуускай-Белай Гора уонна төттөрү айаннааһыҥҥа Дьокуускай туһаайыытынан 2144 субсидиялаах авиабилиэтинэн туһаннылар. Бу туһунан Саха сирин Бырабыыталыстыбатын Бэрэссэдээтэлин бастакы солбуйааччы Дмитрий Садовников отчуот кэмигэр иһитиннэрдэ.
Дмитрий Садовников этэринэн, билиэттэри субсидиялааһыҥҥа 45 мөл. солк. тахса үп көрүллүбүт.
“Былырыын Абый улууһуттан 2144 пассажир анал тарыыбынан билиэт атыылаһар кыахтаммыттара. Бу сыалга өрөспүүбүлүкэ бүддьүөтүттэн 45 мөл. солк. тахса үп-харчы көрүллүбүтэ”, — диэтэ вице-премьер.
Билиэккэ анал тарыып сыаната 13900 солкуобай уонна сааһыттан тутулуга суох Абый улууһугар регистрациялаах буоллаҕына көрүллэр.
Дьокуускай-Белай Гора маршруту таһынан субсидиялаах тиэйии 13 хайысхаҕа оҥоһуллар. Уопсайа 14 маршрутунан субсидиялаах билиэти 32 тыһыынча пассажир туһанна. Бу сыалга 2024 сылга өрөспүүбүлүкэ бүддьүөтүттэн 625 мөлүйүөн көрүллүбүтэ.
Санатан эттэххэ, Айсен Николаев Ил Түмэҥҥэ туһаайан этиитигэр Арктикаҕа субсидиялаах билиэти үбүлээһин кээмэйин оннунан хаалларарга иһитиннэрбитэ.
Саха Өрөспүүбүлүкэтин Ил Дарханын уонна Бырабыыталыстыбатын пресс-сулууспата
2027 сылга Ньурбаҕа СӨ норуоттарын IX спортивнай оонньуулара алта нэһилиэгинэн ыытыллыахтара. Ол курдук Ньурба куоракка, …
Ол туһунан тыа хаһаайыстыбатын уонна ас-үөл бэлиитикэтин миниистирэ Артем Александров бырабыыталыстыба отчуотун кэмигэр иһитиннэрдэ. Миниистир…
Саха сирин Үлэҕэ уонна социальнай сайдыыга министиэристибэтин чэрчитинэн, 2025 сылга байыаннай дьайыы кыттыылаахтарын 889 төрөппүтэ…
Ис дьыала министиэристибэтин 4 №-дээх управлениетын полицияҕа отделын дьуһуурунай чааһыгар өттүгэр быһах баастаах киһи киирбитин…
Олунньу 12 - 14 күннэригэр СӨ бырабыыталыстыбатын бэрэссэдээтэлин солбуйааччы Анатолий Семенов салайааччылаах министиэристибэлэр, биэдэмистибэлэр бэрэстэбиитэллэрэ…
Судаарыстыбаннай демографическай уонна дьиэ кэргэн бэлиитикэтин олоххо киллэрэр Сэбиэт мунньаҕын түмүгүнэн, Владимир Путин муус устар…