Хаартыска СӨ Баһылыгын уонна Бырабыыталыстыбатын пресс-сулууспатыттан
Бүгүн, Абый улууһугар 21 быыһааччы уонна баһаарынай ойуур баһаарын утары охсуһа тиийдэ. Бу туһунан бастакы вице-премьер Дмитрий Садовников иһитиннэрдэ.
Бөлөххө 5 Быыһыыр сулууспа, 5 Судаарыстыбаннай баһаарынай сулууспа, 6 «Якутлесресурс» тэрилтэ уонна 5 ЫБММ быһааччыларын үлэһиттэрэ киирдилэр.
«Полярные авиалинии» авиахампаанньа Ан-26 сөмөлүөтэ Дьокуускай – Орто Халыма – Үрүҥ Хайа хайысханан көтөн тиийдэ. Дьокуускайтан санныга кэтэ сылдьар огнетушителлэр, помпалар, тус харыстанар сириэстибэлэр, емкостар тиийдилэр», – диэн вице-премьер кэпсээтэ.
Икки күн иннинэ Дьокуускайтан Белай Гораҕа «Полярные авиалинии» авиахампаанньанан 20 уоту утарв охсуһааччы тиийбитэ. Ол иннинэ Үөһээ Халыма улууһун Зырянка бөһүөлэгиттэн эбии 11 баһаарынай («Якутлесресурс» тэрилтэттэн 5, «Авиалесоохранаттан» 6 үлэһит уонна кэтээн көрөр лүөччүк) тиийбиттэрэ.
Онон Абый оройуонугар уопсайа 50-тан тахса киһи көмөҕө тиийдэ. Гражданскай оборуона дьыалаларыгар уонна нэһилиэнньэ олоҕор куттал суох буолуутун хааччыйыыга миниистир Дмитрий Лепчиков миэстэтигэр тиийэн үлэни сүрүннүү сылдьар.
Тиийбит дьон аҥара Киэҥ Күөл сэлиэнньэтиттэн 5 км тэйиччи турбут баһаары умуруорууга ыытылынна. Атыттар Белай Гораҕа хааллылар. Бүгүҥҥү туругунан ойуур баһаара улуус кииниттэн 10 км сиргэ баар.
Дмитрий Садовников эппитинэн, сөҥүү бу эҥэр түһэ илик. Хоту улуустарга ардаҕы түһэрэргэ «Полярные авиалинии» хампаанньа «Атмосфера» Ан-26 сөмөлүөтэ көтүөҕэ.
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…