СИА хаартыската
Ыам ыйын 23 күнүгэр Абый оройуонун диспетчерскэй сулууспатыгар 1951 с. төрүөх эр киһи сарсыарда эрдэ тахсан баран, төннүбэтэҕин туһунан тыллаабыттар.
Сибээс көмөтүнэн иһитиннэрбит кэмнэригэр бөх тоҕор сиртэн бөһүөлэккэ иһэрин билбиттэр. Быһылааны Саха сирин Быыһыыр сулууспата ирдэбилгэ ылбыт.
10:30 чааска 9 киһи квадрокоптердаах көрдүү барбыт. Киэһэ өссө 15 киһилээх көрдүүр биригээдэ туруммут. Кинилэр рупорынан саҥарар тэриллээх, квадрокоптердаах, сигнал биэрэр ракеталаах эбиттэр.
Ыам ыйын 25 күнүгэр 02:15 (олохтоох бириэмэнэн) иккис көрдүүр бөлөх төннөн кэлбит. Онтон үһүс бөлөх көрдүү барбыт. Ол курдук, ИДьМ 3 үлэһитэ, 3 олохтоох киһи. Үс киһи вездеходунан, үс киһи сатыы барбыттар. Уопсайа көрдөөһүҥҥэ 43 киһи кыттыбыт.
Бэҕэһээ 10:20 (Дьокуускай бириэмэтэ) 25 киһилээх үс бөлөх сүппүт киһини көрдүү барбыт.
Хата, бүгүн 00:30 сүппүт киһи бэйэтэ тиийэн кэлбит. Кэргэнэ этэринэн, доруобуйатын туруга этэҥҥэ эбит.
Саха сирин Быыһыыр сулууспата аҕам саастаах дьон сүтүүтэ элбээбитинэн чугас киһигитигэр, аймаххытыгар болҕомтолоохтук сыһыаннаһаргытыгар сэрэтэр. Соҕотохтуу бултата, балыктата ыытымаҥ. Социальнай үлэһиттэргэ кырдьаҕас дьоҥҥо хонтуруолу күүһүрдэллэригэр сүбэлиибит.
Өскөтүн эһиэхэ эбэтэр билэр дьоҥҥутугар көмө наада буоллаҕына, 112 суһал сулууспаҕа эрийиҥ. Суһал дьуһуурунай нүөмэрэ 45-90-19.
Арассыыйа Силиэстийэлиир кэмитиэтин салайааччы Александр Бастрыкин Дьокуускай хаарбах дьиэлэргэ олохтоох дьонун үҥсүүлэринэн, кинилэр бырааптарын кэһии…
Бүгүн, алтынньы 13 күнүгэр, Хатас сэлиэнньэтигэр Охлопковтар дьиэ кэргэҥҥэ гаас холбонон, үөрүүлээх түгэн буолла. Бу…
Дьокуускайга полицейскайдар 5 саастаах оҕотун дьиэтигэр таһыттан хатаан баран барбыт ийэни эппиэтинэскэ тардыбыттарын туһунан ИДьМ…
Бүгүҥҥүттэн, ол эбэтэр алтынньы 13 күнүттэн, Дьокуускайдааҕы өрүс пуордуттан Аллараа Бэстээххэ диэри катерынан дьону таһыы…
Дьокуускайдааҕы гидро-метео ыстаансыйа управлениета Саха сирин өрүстэрин алтынньы 13 күнүнээҕи туруктарын туһунан иһитиннэрэр. Өрүстэр…
Дьокуускай полицейскайдара 44 тыһ. солк. кэриҥэ харчыны уорууга уорбаланар киһини туттулар. Полиция 1-кы №-дээх отделын…