Абый улууһугар 5 баал магнитудалаах сир хамсааһына бэлиэтэммит

Абый улууһугар сеймсологическай түгэн буолбутун туһунан Дьокуускайдааҕы филиалга “Билим Арассыыйатааҕы академиятын единэй геофизическэй сулууспата” киин биллэрбит. Ити туһунан ЯСИА суруйар.

Сэтинньи 5 күнүгэр сарсыарда 4:31 мүн. Абый улууһун Кэбэргэнэ сэлиэнньэтиттэн хотугулуу-арҕаа 90 км тэйиччи сир хамсааһына буолбут. Сир хамсааһына 10 км дириҥҥэ бэлиэтэммит. Раутиан шкалатынан энергетическэй кылааһа 13 тэҥнэспит. MSK-64 шкаланан күүһэ 6-7 баал, онтон магнитудата 5 баал диэн сыаналаабыттар. Бу туһунан ЯСИА суруйар.