Абый улууһугар ландшафтнай баһаары умуруораллар

Бэҕэһээ киэһэ, бэс ыйын 5 күнүгэр, Абый улууһугар 0,1 га иэннээх ландшафтнай баһаар бэлиэтэннэ. Билигин баһаары умуруора сылдьаллар диэн өрөспүүбүлүкэтээҕи суһал ыстаап иһитиннэрэр.

Баһаары умуруорууга түөрт киһи үлэлиир. Нэһилиэнньэлээх пууннарга уонна экэниэмикэ эбийиэктэригэр куттал суоһаабат.

Суукка иһигэр Нерюнгри уонна Уус Алдан улуустарыгар барыта 9,5 га иэннээх икки баһаары умуруордулар.

Дьокуускайга, Алдаҥҥа, Абыйга, Аммаҕа, Бүлүүгэ, Уус Алдаҥҥа баһаары утары эрэсиим үлэлиир диэн СӨ Ил Дарханын уонна Бырабыыталыстыбатын дьаһалтатын пресс-сулууспата иһитиннэрэр.