ЯСИА архыыбыттан
Олунньу 15 күнүгэр Арчы дьиэтигэр Абый улууһун дьоно-сэргэтэ түмсэн оһуокайдаата.
Манна Абый улууһуттан Дьокуускайга олорор дьон мустан оһуокайдаан, ирэ-хоро сэһэргэһэн, дуоһуйа сынньанан, үөрэн- көтөн тарҕастылар. Тэрээһиҥҥэ түмсүбүт дьону улуус култуураҕа управлениетын салайааччыта Мария Алексеевна Мартынова эҕэрдэлээтэ.
10 кылааска үөрэнэр Абыйтан төрүттээх Айтал Иванов олоҥхоттон быһа тадыыны иһитиннэрэн дьонун-сэргэтин үөртэ. Юлиан Дохунаев (Майыартан төрүттээх) дойдутугар анаммыт ырыаны ыллаан ытыс тыаһынан доҕуһуолланна. Инники кэскиллээх ыччаттарыгар үөрэн-көтөн туран бэлэх туттардылар. Саха сирин үтүөлээх этээччитэ Мария Бассанова эҕэрдэ оһуокайын этэн ыалдьыттары түмэ тарта, киэҥ түһүлгэни төрүттээтэ. » Алаас ахтылҕана» айар бөлөх кыттыыны ылбыта кэрэхсэннэ. Манна Абый далбар хотуттара дьарыктаналлар. Августина Семеновна Муома оһуокайын иһитиннэрдэ. Хаарчаана Семенова Саха сирин үтүөлээх этээччитэ эмиэ оһуокайдаата.
Тэрээһин дьону-сэргэни тардарга биир улахан төһүү күүс буоларын көрдөрдө. Хаһан да маннык тэрээһиҥҥэ сылдьыбатах дьон кэлэн көрөн- истэн, сэргээн, өссө да кэлиэх буолан бардылар. Ирина Васильевна өрө көтөҕүллүүлээхтик тэрээһини салайан ыытта. Дьон-сэргэ оһуокайдаан, ыллаан-туойан, үҥкүүлээн сэргэхсийдилэр. Оһуокай уопсастыбата маннык тэрээһиннэри тиһиктээхтик тэрийэ туруо. Саҥаттан саҥа оһуокайдьыттар тахсан иһиэхтэрэ. Арассыыйаҕа Норуоттар сомоҕолоһууларын сылынан, Саха сиригэр Култуура сылынан олус үчүгэй үлэ ыытыллара хайҕаллаах.
Евсеева Каджана — Чэлгийэ.
Оҕо биллиилээх суруйааччыта Агния Барто төрөөбүтэ 120 сылын көрсө, Өлүөхүмэ улууһун Кыыллаах нэһилиэгэр кырачааннарга аналлаах…
Сытыйа байбыт баайдар, урбаанньыттар, улахан тойоттор Эпштейн диэн киһини кытта хайдах, туох дьаабыламмыттара биллэн эрэр.…
Ааспыт сылга спортсменнар ылбыт мэтээллэрэ -- 700. Саха сирин спортсменнара былырыын юниордар күрэхтэһиилэригэр 379 мэтээли…
Дойду федеральнай уокуруктарынан Нерюнгри куоракка кулун тутар 19-23 күннэригэр ыытыллар Арассыыйа чөмпүйэнээтигэр кыттарга сүүмэрдиир күрэхтэһиилэр…
Атамайга "Радуга" уһуйааҥҥа "Чобуо чуорааннар" бырайыак бэһис төгүлүн үрдүк таһымнаахтык ыытылынна. Бу уһуйаан иитиллээччилэригэр төрөөбүт…
Саҥа хотоҥҥо киириигэ хотон ортоку өһүөтүгэр салама ыйыыллар. Үрүҥ сиэлтэн харандаас суонун саҕа гына ситии…