Хаартыска: СИА
Ымсыы санааттан дьон арааһы барытын уорар эбит. Абый улууһун полиция отделын дьуһуурунай чааһыгар олохтоох дьахтартан сүөһү этин уоруу туһунан сайабылыанньа киирбит. Ол курдук, билбэт киһитэ кини кыбартыыратыттан бородууктатын уорбутун туһунан дьахтар кэпсээбит. Хоромньу уопсай суумата 6 тыһ. солк. Бу туһунан СӨ ИДьМ пресс-сулууспата иһитиннэрэр.
Суһал көрдүүр дьаһалларынан полициялар уорбаланааччыны, урут сууттана сылдьыбыт 49 саастаах эр киһини туттулар.
Ол курдук уорбаланааччы дьиэлэринэн кэрийэ сылдьан хатааһына суох кыбартыыралары көрдөөбүтэ биллибит. Түмүгэр атын киһи дьиэтигэр киирбит. Ити кэмҥэ сайыбылыанньалаах дьахтар 12 саастаах сиэнэ соҕотоҕун олорбут. Оҕо билбэт эр киһитин көрөн куттаммыт уонна атын хоско саспыт. Оттон уорбаланааччы холодильниктан ас-үөл ылан баран остуолга олорон аһаабыт. Хаһаайка кыбартыыраҕа төннөн кэлбитигэр, уорбаланааччы ыксаан сүөһү этин сойботоот куотан тахсыбыт.
Уоруллубут эт хаһаайкаҕа төннөрүллүбүт. Российскай Федерация Холуобунай кодексын «Уоруу» 3 ст. 158 ч. холуобунай дьыала тэрилиннэ. Уорбаланааччы 6 сылга диэри болдьоххо көҥүлэ быһыллыан сөп.
Бу күннэргэ Саҥа дьыл сүпсүлгэнэ саҕаланаары турар буолан, ас ырыынактарыгар испииһэк тутуурдаах дьон үксээбит. Өрүс…
“Дьоруойдар кэмнэрэ” бырагыраамаҕа кыттар сайаапкалары почтанан ылыы саҕаланна. Бу -- бырагыраама иккис түһүмэҕэ. Сайаапкалары билигин…
LETO куорат эйгэтин тупсаҕай оҥоруу киинэ Сэбиэскэй Сойуус Дьоруойа Федор Попов пааматынньыгын эскииһин оҥорууга күрэс…
Бу сыл ахсынньы 11 күнүгэр Былатыан Ойуунускай аатынан судаарыстыбаннас түмэлигэр киэн туттар биир дойдулаахпыт, комсомольскай,…
Филиппиныттан уонна Таилантан ахсынньы 14 күнүгэр ыытыллар «Вызов Севера» күрэхтэһиигэ кыттар боксердар бүгүн Дьокуускайга саамай…
Саха сиригэр анал байыаннай дьайыы кыттыылаахтарыгар уонна кинилэр дьиэ кэргэттэригэр анаан "Е-Якутия" порталга «Забота» электроннай…