Хаартыска -- Ил Дарха уонна СӨ Бырабыыталастыбатын пресс-сулууспата
Абый улууһугар Белай Гора уонна Киэҥ-Күөл нэһилиэнньэлээх пууннар аттыларыгар икки улахан ойуур баһаара баара үлэни уустугурдар.
Бу иннинэ онно баһаары бохсууга 50-тан тахса баһаарынай уонна быыһааччы барбыта. “Онно эбии идэтийбит күүстэри көһөрөр туһунан быһаарыы ыллыбыт” диэн иһитиннэрдэ СӨ Бырабыыталыстыбатын бэрэссэдээтэлин бастакы солбуйааччы Дмитрий Садовников.
Эр дьону кытта баһаары бохсуу этэрээт волонтера Людмила Алексеева сылдьарын туһунан быыһыыр сулууспа үлэһиттэрэ иһитиннэрдилэр.
Людмила Алексеева бэйэтэ кэпсииринэн, олоҕун тухары айылҕаны кытта ыкса сибээстээх – экология салаатыгар үлэлээбит буолан, соторутааҕыта ойуур хаһаайыстыбатын эйгэтигэр үлэҕэ киирбит. “Маннык улахан ойуур баһаара буола турдаҕына, хайдах да хонтуораҕа олорор кыаҕым суох. Биллэн турар, олус уустук үлэ – лаппаакынан сири хаһарым тэҥэ, аны асчытынан сылдьабын. Ол эрээри ыарахан диэн ытаммаппын. Уолум Дьулустаан Бережнев быыһыыр сулууспаҕа быыһааччынан үлэлиир. Билигин кини эмиэ Белай Гора аттыгар баһаары бохсууга сылдьар. Төрөөбүт айылҕабытын харыстааһын — биһиги ытык эбээһинэспит”, диэн бигэ санаалаах волонтер Людмила Алексеева.
Саха сирин мадьыныларыгар уонна боксердарыгар Арассыыйа успуордун маастарын ааттара иҥэрилиннэ. Туһааннаах бирикээскэ дойду успуордун миниистирэ…
Саха сиринээҕи илин эҥэр улуустар икки ардыларынааҕы силиэстийэлиир отдела 27 саастаах эр киһиэхэ сыһыаннаан, РФ…
УГМС управлениетын иһитиннэриитинэн, от ыйын 5 күнүгэр Хаҥалас, Горнай, Алдан, Нерюнгри, Уус Маайа, Өймөкөөн, Томпо…
Ил Дархан Айсен Николаев бигэргэппит “Үйэ оҕолоро” тус сыаллаах хапытаалы 2022 сылтан 44 744 дьиэ кэргэн…
От ыйын 3 күнүнээҕи туругунан Дьокуускайга уонна өрөспүүбүлүкэ улуустарыгар клещкэ ытыттарыы 533 түбэлтэтэ бэлиэтэннэ, онтон…
Нерюнгри улууһугар Саха сирин соҕуруу киин куората 50 сылыгар анаммыт Олоҥхо ыһыаҕа ыытылла турар. Өрөспүүбүлүкэ…