Абыйга тимирбит иккис киһи өлүгүн водолазтар буллулар

Бэҕэһээ, атырдьах ыйын 1 күнүгэр, Абый улууһугар ууга былдьаммыт иккис киһи өлүгэ көһүннэ диэн СӨ Быыһыыр сулууспата иһитиннэрэр.

Быһылаан туһунан от ыйын 30 күнүгэр иһитиннэрбиттэрэ. Үөннээх Таас учаастактан Индигиир өрүһүнэн айаннаан испит мотуордаах оҥочо түҥнэстибит. Биир киһи харбаан кытылга тахсыбыт, икки киһи тимирбит.

От ыйын 30 күнүгэр биир киһи өлүгүн булбуттара.

Бэҕэһээ Быыһыыр сулууспа икки водолаһа үлэлээн, ГБО көмөтүнэн иккис киһи өлүгүн булбуттар.