Хаартыска: Ил Дархан, бырабыыталыстыба пресс-сулууспата
Муус устар 17 күнүгэр Саха сирин бырабыыталыстыбатын бэрэссэдээтэлин солбуйааччы Георгий Степанов Дьокуускайга «Абырал» санаторий базатыгар байыаннай сулууспаҕа хантараагынан барар хандьытааттары сүүмэрдиир биир кэлим пуун үлэлиирин санатта.
Манна хандьытааттар психологы кытары бэсиэдэлэһиэхтэрин уонна мэдиссиинискэй чинчийиини ааһыахтарын сөп.
«Өрөспүүбүлүкэ улуустарыгар олорор хандьытааттары сүүмэрдээһини улуустааҕы байыаннай комиссариаттар ыыталлар. Онтон комиссариаттар суох сирдэригэр муниципальнай оройуоннар баһылыктара дьарыктаналлар. Улуустартан кэлбит хандьытааттар айаннарын уонна сүүмэрдээһини ааһар кэмнэригэр Дьокуускайга олорор ороскуоттарын өрөспүүбүлүкэ байыаннай комиссариата төлүүр. Ил Дархан ыйааҕынан 2023 сыл кулун тутар бастакы күнүттэн РФ Сэбилэниилээх күүстэригэр байыаннай сулууспаҕа хантараак түһэрсээччилэргэ 150 тыһыынча суумалаах эбии биир кэлим төлөбүр олохтоммута», — диэтэ Георгий Степанов.
Ону тэҥэ, Саха сиригэр байыаннай эпэрээссийэ кыттыылаахтарын өйүүр «Дойдуну көмүскээччилэр» пуондаҕа социальнай сүрүннээччилэри талыы салҕанар. Георгий Степанов эппитинэн, билигин 22 киһи барыллаан тиэһи ааста. Хандьытааттар чахчылара федеральнай пуондаҕа ыытылынна. Сүүмэрдээһини ааспыт хандьытааттар Хабаровскай куоракка Норуот хаһаайыстыбатын уонна судаарыстыбаннай сулууспа Арассыыйатааҕы академиятын Уһук Илиҥҥи салаатыгар үөрэнэ барыахтара. Үөрэх ыам ыйын ортотуттан саҕаланара былааннанар.
Мэҥэ Хаҥалас улууһа урукку сэбиэскэй кэмтэн нэһилиэктэринэн культура уонна спорт бэстибээлин ыытар үтүө үгэстээх. Майа…
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…