«Абыралга» хантараагынан барааччылары сүүмэрдээһин салҕанар

Доруобуйа уонна патриотическай хамсааһын киинигэр «Абыралга» бары усулуобуйа тэрилиннэ.

Байыаннай сулууспаҕа барааччылары сүүмэрдиир пууҥҥа, доруобуйа уонна патриотическай хамсааһын киинигэр «Абыралга», хантараагынан барааччылары сүүмэрдээһин салҕанар. Киин кылаабынай бырааһа Алена Иванова бэлиэтииринэн, пуун «биир түннүк» эрэсииминэн үлэлиир.

Баҕа өттүлэринэн барааччылар терапевка көрдөрөллөр, психолокка сылдьаллар. Чинчийии түмүгүнэн, салгыы миэстэтигэр быраастарга көрдөрөллөр. Байыаннай сулууспаҕа барарга сөптөөҕүн туһунан байыаннай комиссариат байыаннай-врачебнай эспэртиисэтин киинигэр быһаараллар.

Хантараагынан сулууспалыан баҕалаахтарга бары усулуобуйа тэриллибит. Күҥҥэ үстэ аһыыллар, санаторийга олороллор. Сулууспалыыр сирдэригэр барыахтарыгар диэри мэдиссиинэ көмөтүн оҥорууга дьарык ыытыллар.

Хантараагынан байыаннай сулууспаҕа сүүмэрдиир киин сарсыарда 9 чаастан киэһэ 18 чааска диэри үлэлиир. Аадырыһа: Дьокуускай, Сэргэлээх 11 км, 1 корпус. «Абырал» тохтобулугар 7 №-дээх оптуобуһунан тиийиэххэ сөп.

СӨ Ил Дарханын уонна Бырабыыталыстыбатын пресс-сулууспата