Аччыгый наука академиятыгар эдэр академиктары талыы саҕаланна

Алтынньы 1 күнүттэн СӨ Аччыгый наука академиятыгар 2024-2025 үөрэх дьылыгар чилиэннэри уонна чилиэн-кэрэспэдьиэннэри талыы саҕаланна. Аһаҕас куонкуруска бары улуустартан 1-11 кылаас үөрэнээччилэрэ кыттыахтарын сөп.

Сайаапканы dchchk@mail.ru электроннай буостаҕа ыытаҕыт. Докумуоннары тутуу 2025 сыл тохсунньу 15 күнүгэр диэри буолуоҕа.

Хамыыһыйа анал бигэргэммит ирдэбиллэринэн чилиэннэри талар. Кэнники үс сылга: 2022 сыл тохсунньу 1 күнүттэн 2024 сыл ахсынньы 31 күнүгэр диэри үөрэнээччи ситиһиилэрин учуоттууллар.

Былырыыҥҥы үөрэх дьылыгар 24 улуустан 500-тэн тахса сайаапка киирбитэ. Сыл аайы аһаҕас  куонкурус түмүгүнэн 200 үөрэнээччигэ эдэр академик аата иҥэриллэр. Кинилэртэн 100 оҕоҕо дьиҥнээх чилиэн, 100 оҕоҕо чилиэн-кэрэспэдьиэн аата иҥэриллэр.

Куонкурус туһунан сиһилии мантан билсиҥ: https://lensky-kray.ru/index.php?r=projectspages/view&id=154