АДПИ диэн тугуй? Туохха нааданый?

АДПИ диэн баһаар буолбутун биллэрэр  тэрили туруоруу туһунан  СӨ ЫБММ-гэр кэтиир уонна профилактикаҕа  Управлениетын  кэтэбилгэ уонна профилактическай тэрээһиннэри ыытыыга отдел начаалынньыгын солбуйааччы Александр Гайдей маннык кэпсээтэ. 

— Саха сиригэр «Предотврати пожар – установи АДПИ» диэн аахсыйа 2018 сылтан ыытыллар, манна социальнай хабааннаах тэрилтэлэр кытталлар. Аахсыйа көмөтүнэн элбэх оҕолоох ыалларга, бэтэрээннэргэ, инбэлииттэргэ баһаар турбутун тута биллэрэр (АДПИ) тэриллэри туруоруу күүскэ барар. 2021 сылтан саҥа дьиэлэргэ туруорар ирдэбил быһыытынан киирдэ. Бу тэрил көмөтө олус улахан. Холобур, хас да улууска бу тэрил эрдэ тыаһаабытын түмүгэр, баһаартан элбэх киһи быыһаммыта. Онон тустаах тэрили туруортарар ордук, — диэн Александр Александрович быһаарар.