Хаартыска: sakha.gov.ru
Ил Дархан ыйааҕынан Саха сиригэр тохсунньу 28 күнүттэн олунньу 28 күнүгэр диэри баһаары утары ураты эрэсиим биллэриллэн турар.
Сэрэтэр тэрээһиннэр, сүрүннээн, кэтэх дьиэлэргэ, социальнай өттүнэн көмүскэлэ суох ыалларга ыытыллаллар. Манна АДПИ баара наадалааҕын көрдөрдө. Ол курдук, Сунтаар Кутанатыгар икки этээстээх кэтэх дьиэ умайбытыгар, АДПИ тыаһаан түөрт киһи, ол иһигэр сокуоннай сааһын ситэ илик оҕо, бары этэҥҥэ быыһаммыттара.
Өрөспүүбүлүкэ ситэриилээх былааһын отчуотун чэрчитинэн, Гражданскай оборуона уонна дьон олоҕор куттал суох буолуутун хааччыйар дьыалаларга миниистир солбуйааччыта Яна Наумова Мииринэй оройуонун Сүлдьүкээр сэлиэнньэтигэр биэнсийэҕэ тахсыбыт Саввиновтар дьиэ кэргэттэригэр уонна элбэх оҕолоох Даниловтар дьиэ кэргэттэригэр буруо таҕыстаҕына тыаһыыр автономнай сигнализацияны (АДПИ) туруорда.
«Ил Дархан Айсен Николаев сорудаҕынан элбэх оҕолоох дьоҥҥо, уустук балаһыанньаҕа түбэспит ыалларга сэрэтэр үлэлэр ыытыллаллар, буруо таҕыстаҕына тыаһыыр автономнай сигнализациялар (АДПИ) туруоруллаллар. Бу тэриллэр буруо саҥа тахсан эрдэҕинэ була охсорго уонна баһаартан сэрэхтээх буолууга аналлаахтар. Баһаар буолар түгэнигэр, буруо таҕыстаҕына автономнай сигнализация тыаһаан, уоту эрдэ умуллара охсорго көмөлөөх», — диэн кэпсээтэ Яна Наумова.
2025 сыл сэтинньи 28 күнүгэр «Дьоруой Ийэ» аат иҥэриллибит дьахталларга социальнай гарантияны биэрии туһунан «О…
Дьокуускай куоракка хас сарсыарда аайы эрдэ икки киһи хаар күрдьэ, дьиэ таһын ис ис сүрэхтэриттэн…
Telegram үлэтэ Арассыыйа бүтүннүүтүгэр хааччахтаныа. Бу туһунан Роскомнадзорга бигэргэттилэр диэн РБК суруйар. «Биһиги ханнык баҕарар…
Швейцария күрэсчиттэрэ биир күҥҥэ икки кыһыл көмүс мэтээли ылан, уопсай көрдөрүүгэ иккис миэстэҕэ таҕыстылар. Италияҕа…
2018-2025 сылларга Саха сиригэр 62 саҥа култуура эбийиэгэ аһылынна, онтон үгүстэрэ “Култуура” национальнай бырайыак иһинэн…
Олунньу 4 күнүгэр патриотическай тыыны иитии ыйын чэрчитинэн, Саха гимназиятыгар 3-10 кылаастарга кэккэнэн хаамыыны уонна…