Адыаччы чооруоһа эрдэ сымыыттаабыт

Аҕыйах хонуктааҕыта чооруос чыычаах уйа туттан, сымыыттаабытын туһунан видео тарҕанан: “Тыый, тугун эрдэтэй?” – дьон соһуйуу-өмүрүү бөҕө буолбута.

Дьэ, бу ханна сымыыттаабытын ир суолун ирдээн буллубут эбээт.

— Чооруос сымыыттаах уйатын ааспыт сэрэдэҕэ, муус устар 16 күнүгэр Дьааҥы улууһун Адыаччы нэһилиэгин олохтооҕо булбут. Бу уйаны хаартыскаҕа түһэрэн, миэхэ көрдөрө ыыппыта”, — диэтэ РНА СС Ирбэт тоҥ биологическай проблемаларын институтун инженер-чинчийээччитэ Сергей Слепцов.

Көрөргүт курдук,  хаһаайын биэс сымыыттаах уйаны түһэрбит. Кырдьык, чоруос эрдэ сымыыттыыр эбит.

Хаартыска: С.Слепцов ыытта