Бу күннэргэ Москваҕа «Служение» муниципальнай бириэмийэтигэр 2024-2025 сс. сайаапкалары ылыы түмүгүн таһаардылар. II Муниципальнай бириэмийэҕэ 41313 сайабылыанньа киирбит, бу былырыыҥҥыттан икки төгүл элбэх.
Саха сириттэн бу бириэмийэҕэ Дьааҥы улууһун Адыаччы нэһилиэгин урукку баһылыга, ДНӨ байыаннай дьайыыга кытта сылдьан былырыын ахсынньыга сырдык тыына быстыбыт Вячеслав Слепцов түһэриллибитэ.
Вячеслав Илиҥҥи байыаннай уокурук 5-с гвардейскай холбоһуктаах сэбилэниилээх аармыйа 60-с туспа мотострелковай батальонун штурмовой ротатын взводун отделениетыгар старшай стрелогунан сылдьыбыта. «За укрепление боевого содружества» мэтээллээх.
Бүтүн Арассыыйатааҕы «Служение» муниципальнай бириэмийэ РФ Бэрэсидьиэнэ Владимир Путин сорудаҕынан ыытыллар уонна муниципальнай тэриллии сайдарыгар, дьон олоҕо тупсарыгар кылааттарын киллэрбит муниципальнай холбоһук уһулуччулаах бэрэстэбиитэллэригэр – сулууспалаахтарга иҥэриллэр.
Санатан эттэххэ, 2023 сыллаахха Хангалас улууһун Тиит-Арыы нэһилиэгин баһылыга Григорий Лукин киһини өлүүттэн быыһаан «Служение» муниципальнай бириэмийэ «Судьба человека – гордость Отечества» анал номинациятын лауреата буолбута. Кини РФ бэрэсидьиэнэ Владимир Путинтан үрдүк наҕарааданы ылбыта.
Бириэмийэни РФ Бэрэсидьиэнин дьаһалтатын өйөбүлүнэн Бүтүн Арассыыйатааҕы олохтоох бэйэни салайыныыны сайыннарар ассоциация (ВАРМСУ) тэрийэр.
2025 сыл кулун тутар 1 күнүттэн Госуслуга саайтыгар бириэмийэ кыттыылаахтарыгар уопсастыбаннай куоластааһын саҕаланыаҕа. 2025 сыл муус устар ыйыгар Москваҕа «Россия» национальнай кииҥҥэ Бүтүн Арассыыйатааҕы «Служение» II муниципальнай бириэмийэни үөрүүлээх быһыыга-майгыга туттарыахтара.
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…