http://www.kremlin.ru/
«Аэрофлот» АХ ыам ыйыттан «анал тарыыптар» (плоские тарифы) бырагыраамаларын Уһук Илин куораттарыгар кэҥэтэр былааннаах. Ол курдук бигэргэммит тарыыптарынан билиэттэр Москваттан — Благовещенскайга, Дьокуускайга, Анадырь куоракка, Улан-Удэҕа диэри атыыланыахтара. Бу туһунан дойду Аҕа баһылыгар Владимир Путиҥҥа хампаанньа генеральнай дириэктэрэ Сергей Александровскай иһитиннэрдэ.
«Дьокуускай — Москва, Москва — Дьокуускай хайысхатынан билиэт сыаната үрдүгэ өрөспүүбүлүкэ олохтоохторун куруук долгутар. Ордук сайыҥҥы ыйдарга сыана үрдүүр. Биһиги бу боппуруоһу араас таһымҥа элбэхтик көтөхпүппүт. Дьокуускай куораты «плоскай» тарыыптар федеральнай бырагыраамаларыгар киллэрии туһунан этиини дойду бэрэсидьиэнэ Владимир Владимирович Путин «Аэрофлот» генеральнай дириэктэрэ Сергей Владимирович Александровскайдыын көрсүһүүтүгэр өйөөтө. Ол аата Дьокуускай – Москва – Дьокуускай хайысхатынан билиэттэр күнүттэн-дьылыттан, хаһан атыылаһыллыбытыттан тутулуга суох олохтоммут сыананан атыыланыахтара», — диэн Ил Дархан Айсен Николаев телеграм-ханаалыгар суруйда.
Санатан эттэххэ, «Аэрофлот» «плоскай», ол эбэтэр олохтоммут тарыыптары Уһук Илин куораттарыгар 2015 сылтан саҕалаан олоххо киллэрбитэ. Онон маннык анал тарыыптарынан Москваттан — Владивостокка, Хабаровскайга, Южно-Сахалинскайга, Петропавловскайдааҕы-Камчаткаҕа, Магадаҥҥа диэри көтөөччүлэр эрэ туһаналлара.
«Плоскай» уонна кэмиэрчэскэй тарыыптарынан билиэттэр Уһук Илин тоҕус куоратыгар муус устар 8 күнүттэн атыыланыахтара. Бу билиэттэр ыам ыйын 15 күнүттэн туһаныахха сөп.
Дойду федеральнай уокуруктарынан Нерюнгри куоракка кулун тутар 19-23 күннэригэр ыытыллар Арассыыйа чөмпүйэнээтигэр кыттарга сүүмэрдиир күрэхтэһиилэр…
Атамайга "Радуга" уһуйааҥҥа "Чобуо чуорааннар" бырайыак бэһис төгүлүн үрдүк таһымнаахтык ыытылынна. Бу уһуйаан иитиллээччилэригэр төрөөбүт…
Саҥа хотоҥҥо киириигэ хотон ортоку өһүөтүгэр салама ыйыыллар. Үрүҥ сиэлтэн харандаас суонун саҕа гына ситии…
Федерация Сэбиэтин федеративнай тутулга, эрэгийиэн бэлиитикэтигэр, олохтоох салайыныыга уонна хоту дойду дьыалаларыгар кэмитиэтин бэрэссэдээтэлин солбуйааччы…
Түөкүттэр араас албаһы толкуйдаан, дьону албыннарыгар киллэрэн иһэллэр! Ааспыт нэдиэлэҕэ тоҕус киһини угаайыларыгар киллэрбиттэр. Ол…
Быйыл "Земскэй тириэньэр" бырагыраама иитинэн 18 миэстэ көрүллүбүт. Бу туһунан СӨ физическэй култууратын уонна успуордун…