К.П.Григорьев доҕотторун кытта. Хаартыска К.Григорьев тиксэриитэ
Хоту улуустар олохтоохторугар таһаҕаһы тиэйии билигин даҕаны болҕомто киинигэр тутуллар боппуруоһунан буолар. Ол саҕанааҕы кэмнэргэ “Индигирка” авиа-хампаанньа тэриллибитин иһин дириэктэр Константин Григорьев аатын билиҥҥэ диэри махталынан ааттыыллар.
Бүгүн Константин Григорьев туһунан киэн туттан кэпсиэхпин баҕарабын. Кини оҕо сааһа Бүлүү эбэни кытта сибээстээх, сэттис кылаастан мотуруоһунан үлэлээбитэ. “Дятел” теплоходка сайын аайы устубута. Төһө да сэрии кэннинээҕи уолаттар курдук тыаҕа моҕотойу сырыстар, куруук кыырай халлааны көрөрө уонна көтүөн олус баҕарара. Онон Дьокуускай куорат иккис оскуолатын бүтэрэн, Иркутскайдааҕы авиационнай-тиэхиньиичэскэй училищеҕа киирбитэ. Бу үөрэх кыһатын кэнниттэн Дьокуускайдааҕы холбоһуктаах авиа-этэрээккэ авиатиэхиньигинэн үлэлээбитэ.
1970 сыллаахха кини Кировоградскайдааҕы үрдүкү летнай училищеҕа “ИЛ-14” сөмөлүөккэ борт мэхээнньигэр үөрэммитэ. Ол иһин киниэхэ биир бастакынан “ЯК-40” реактивнай сөмөлүөтү ирбэт тоҥ усулуобуйатыгар көтүтэргэ итэҕэйбиттэрэ. 271-с көтөр этэрээккэ бастакы кылаастаах бортмэхээнньик буола үүммүтэ. Онон кинини “ЯК-40” суудунаҕа бортмэхээнньик-инструкторынан анаабыттара. Ити түмүгэр 20 тахса эдэр уолаттары идэтигэр уһуйбута.
Таһаарыылаах үлэтин иһин 1994 с. “Аэрофлот туйгуна” буолбута. 1999 с. саахала суох көтүүтүн иһин түөскэ кэтиллэр бэлиэнэн наҕараадаламмыта. Константин Павлович 29 сыл көппүтэ, итинтэн 17 сыл команднай-летнай састаапка үлэлээбитэ.
2000 сылтан 2005 сылга диэри хампаанньа нэһилиэктэргэ санитарнай, пассажирдары таһар рейстэри, “күөх рейстэри” толорбута.
Ыарахан 90-с сылларга сэбиэскэй экэниэмикэ ыһыллан, дьоҕус авиация сэдэхтик көтөр буолбута. Ол хоту дойду улуустарын олохторугар-дьаһахтарыгар күчүмэҕэйдэри үөскэппитэ. Этэргэ дылы, халлааҥҥа сөмөлүөт көтөр тыаһа да иһиллибэт буолан, дьон кыһыҥҥы суолунан массыынанан, сорох төрөөрү сылдьар дьахталлар сатыы да айанныыр түгэннэрэ баара. Ол ыарахан кэмнэргэ бастакы Бэрэсидьиэммит Михаил Николаев Халыма-Индигир уокуругар “Индигирка” авиахампаанньаны тэрийэргэ сорудахтаабыта. Муома улууһун баһылыга Семен Сукуев бу хампаанньа тэриллиитигэр бары кыаҕын-сатабылын уурбута. Кини Константин Павлович Григорьевы бу хампаанньа генеральнай дириэктэринэн анаабыта.
2000 сылтан 2005 сылга диэри хампаанньа нэһилиэктэргэ санитарнай, пассажирдары таһар рейстэри, “күөх рейстэри” толорбута, хочуолунайдарга саахал таҕыстаҕына сантехниктары, сыбаарсыктары нэһилиэктэргэ тиэрдэрэ, көмүс хостуур артыалларга хостооччулары уонна балыксыттары, табаһыттары тиэйбитэ.
Константин Павлович авиатордар династияларын төрүттээбитэ. Кыыһа Любовь Константиновна “Якутия” авиахмапаанньаҕа бортпроводницанан үлэлиир. Сиэнэ Ковлякова Ольга Семеновна эмиэ бортпроводница. Хос сиэнэ Костик хос эһэтин курдук лүөччүк буолар баҕалаах.
Аатырбыт авиатор эдэр эрдэҕиттэн успуордунан үлүһүйбүтэ. Саха АССР, Сибиир уонна Уһук Илин чөмпүйүөнэ, ыччат ортотугар Арассыыйа Федерациятын финалиһа уонна улахан дьон ортотугар “Спартак”призерунан буолбута. Буоксаҕа Сэбиэскэй Сойуус успуордун маастара.
Кини “СӨ тырааныспарын үтүөлээх үлэһитэ” бочуоттаах ааты ылбытынан киэн туттабыт. Аҕыйах хонуктааҕыта “Дойду гражданскай авиациятын 100 сыла” түөскэ кэтиллэр бэлиэнэн наҕараадаламмыта даҕаны кини үтүөтүн-өҥөтүн кэрэһилиир.
Александра Петрова
Лев Павлов көҥүл тустууга юниордар истэригэр аан дойду чөмпүйэнээтигэр үрүҥ көмүс мэтээли ылары ситистэ. Кини…
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…