Хаартыска: Дьокуускай куорат дьаһалтатын пресс-сулууспата.
Дьокуускай куорат килбэйэр киинигэр турар историческай суолталаах дьиэни — Короленко уулуссатын 2-с №-дээх Аэрогеодезическэй тэрилтэ дьиэтин тас өттүгэр өрөмүөн үлэтэ саҕаланна диэн куорат дьаһалтата иһитиннэрэр.
Билигин бу дьиэ тас истиэнэтин штукатуркатын сыбыыллар, алдьаммыт лепнина оһуорун чөлүгэр түһэрэ сылдьаллар. Бэдэрээччит туһааннаах лицензиялаах буолан, үлэҕэ ылыста. Өрөмүөн үлэтин бэс ыйын 20 күнүгэр диэри бүтэриэхтэрэ.
Дьокуускай куорат баһылыга Евгений Григорьев бу дьиэни архитектурнай-култуурунай нэһилиэстибэ эбийиэгэ буолар диэн этэн турар.
Бу дьиэ 1952 сыллаахха тутуллубута. Ол саҕана Октябрьскай уулуссаҕа (билиҥҥитэ — Ленин проспегар) таас дьиэ аҕыйах этэ. Арай сэрии саҕана тутуллубут «Киин» киинэ тыйаатыра дьэндэйэрэ. Онтон икки этээстээх таас дьиэлэр тутуллубуттара эрээри, билигин суохтар. Онон бу ордон хаалбыт дьиэ проспект биир бастакы таас дьиэтэ буоларынан, архитектурнай пааматынньык буолара оруннаах.
«Азия оҕолоро» норуоттар икки ардыларынааҕы успуорт оонньууларын көрсө, куораты тупсарыыга үлэ үгэнэ. Бэс ыйын ортотугар диэри 27 олорор дьиэ, тэрилтэ тас өттүлэрин саҥардыахтара. Ону тэҥэ, пааматынньыктары өрөмүөннүөхтэрэ уонна көҕөрдүү үлэтин ыытыахтара.
Ахсынньыга үөрэх үлэһиттэрин саамай улахан күөн күрэһэ — Бүтүн Арассыыйатааҕы “Сыл учуутала‑2025” күөн күрэс өрөспүүбүлүкэтээҕи…
2026 сыл зодиак бары бэлиэлэригэр уларытыыны, бэлэҕи бэлэмнээн турар. Сорохтору дьылҕаларын быһаарар көрсүһүү, үлэҕэ үрдээһин…
sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа Людмила Попова "Оҕо кута" кэпсээнин…
2026 сыл хайдах буолуоҕун Саха сиригэр киэҥник биллибит экстрасенс Алексей Иванович Божедонов‑Сырдык хаһыаппыт ааҕааччыларын кытары…
Тохсунньу – Таҥха Хаан Айыы ыйа. Тохсунньу тутула Тохсунньуну былыр бүтэй кэм дииллэрэ. Хотугу сахалар…
Саха сиригэр саҥа сыл саҕаланыытыгар тыаллаах уонна тымныы күн-дьыл турарын туһунан Саха сиринээҕи гидрометеокиин иһитиннэрэр. …
