Бүгүн сарсыарда Дьокуускай куорат аэропордугар үөрүүлээх быһыыга-майгыга РФ норуотун учууталын, Саха сирин үтүөлээх, өрөспүүбүлүкэтээҕи лиссиэй-интэринээт физикаҕа учууталын Виктор Филиппович Потаповы көрүстүлэр.
Норуот учууталын СӨ үөрэҕин уонна билимин миниистирин солбуйааччы Владимир Иванович Тихонов, Виктор Филиппович кэллиэгэлэрэ, биир идэлээхтэрэ көрүстүлэр.
Иван Иванович Шамаев дириэктэрдээх өрөспүүбүлүкэтээҕи лиссиэй-интэринээт кэлэктиибэ Виктор Филипповичка истиҥ көрсүһүүнү тэрийдэ. Кинини кэллиэгэлэрэ уонна үөрэнээччилэрэ эҕэрдэлээтилэр.
СӨ Үөрэҕин уонна билимин министиэристибэтин итиэннэ өрөспүүбүлүкэтээҕи педагогтар түмсүүлэрин аатыттан дьоруойу миниистири солбуйааччы Владимир Тихонов эҕэрдэлээтэ. Ыраах Саха сирин учуутала “РФ норуотун учуутала” үрдүк ааты ылыы чахчы устуоруйаҕа киирэр кэрэхсэбиллээх түгэн диэн бэлиэтээтэ.
“2003 сыллаахха биир олимпиадаҕа хас даҕаны улахан кыайыыланан турабыт, онно биһигини эмиэ бу курдук көрсүбүттэрэ. Билигин букатын атын, быдан улахан түгэн. Бу наҕарааданы миигин өрүү өйүүр дьоммор аныыбын – чугас уонна 45 сыл устата бииргэ үлэлиир дьоммор. Ону тэҥэ, үөрэнээччилэрбэр улахан махталбын тиэрдэбин. Кинилэр баар буолан бу курдук үрдүк уонна бочуоттаах аакка тигистим. Саха АССР 100 сылыгар биир дойдулаахтарбыт араас кыайыылары ситиһэн өрөспүүбүлүкэбит сүдүтүн итэҕэтэ тураллар”, — диэн Арассыыйа норуотун учуутала бэлиэтиир.
Үөрэх уонна билим министиэристибэтин пресс-сулууспата.
Бүгүн, балаҕан ыйын 8 күнүгэр, Саха сирин соҕуруу, хотугулуу-илин, күнүс арҕаа улуустарыгар сорох сиринэн ардах,…
Бүгүн НТВ ханаал “Чудо” биэриитигэр Сунтаар улууһун Элгээйи орто оскуолатын үөрэнээччитэ, эдэр орнитолог, 11 саастаах…
Аҕыйах хонуктааҕыта Сунтаар улууһун Куокуну нэһилиэгэр Улахан Табаҕа киэҥ нэлэмэн, үрдүк үүнүүнү биэрэр бааһыната талах…
Оҕо барахсан хайа да кэмҥэ арахсыспат аргыһа – оонньуур буоллаҕа. Онон “Наука 0+” билим бэстибээлин…
Бу күннэргэ өрөспүүбүлүкэ улуустарыгар ититии сезона саҕаланан эрэр. Мэҥэ Хаҥалас улууһун пресс-сулууспата дьаһалта телеграм-ханаалыгар иһитиннэрбитинэн,…
Дьокуускайга Эргэ куорат биир дириҥ устуоруйалаах, мааны, сэргэх, сырдык оҥоһуулаах оройуонунан биллэр. Манна киһи күнүстэри,…