Аэропорт көтөр-түһэр балаһатын өрөмүөннээһин салгыы ыытыллыа
27.01.2023, 16:14
Дьокуускай аэропорда. СИА
Бөлөххө киир:
Дьокуускай аэропордун көтөр-түһэр балаһата хас да түһүмэҕинэн саҥардыллан оҥоһуллар буолан, бу сылларга порт үлэтэ улаханнык атахтамматаҕа. Арай бу сылга хааччахтааһын баар буолуоҕа диэн СӨ Тырааныспарын уонна суол хаһаайыстыбатын министиэристибэтэ иһитиннэрдэ.
Быйыл ыам ыйын 10 күнүттэн атырдьах ыйын 15 күнүгэр диэри көтөр-түһэр балаһа үлэтигэр, чуолаан сорох көтөр аалларга хааччахтааһын олохтонуоҕа. Маны таһынан тиэйии-таһыы үлэтин схематыгар уларыйыылар киириэхтэрэ.
«Билигин киин куораттарга көтүү былаана оҥоһулларынан, Арассыыйа авиахампаанньаларын кытары үлэ ыытыллар», – диэн биэдэмистибэҕэ эттилэр.
Барыллааһын быһыытынан, Москваҕа уонна Санкт-Петербурга көтөр сөмөлүөттэр аара, атын порка түһэн тохтоон ааһыахтара (промежуточная техническая посадка).
+1
+1
+1
+1
+1
+1
+1
Сообщить об опечатке
Текст, который будет отправлен нашим редакторам: